Ճաշակին ընկեր չկա, բայց վիրավորել մարդուն չի կարելի. Լիլի Սարգսյանը` քննադատությունների և առաջիկա ծրագրերի մասին

Life.panorama.am-ը հարցազրույց ունի Միսս Արմենիա 2017» Լիլի Սարգսյանի հետ: Զրույցից մի հատված ներկայացնում ենք ստորև.

-Լիլի, դուք ընդամենը 17 տարեկան եք, բայց արդեն իսկ բավականին հայտնի եք մեր երկրում: Ձեր մասին խոսում են, քննարկում և գուցե բնականոն հունով՝ նաև քննադատում: Առաջինը ուզում եմ խոսեք զգացողությունների մասին: Իչպիսի՞նն էիք ամիսներ առաջ և ինչպիսի՞նն եք այսօր. բնորոշեք ինքներդ Ձեզ:

- Որոշ քննադատություններ ընդունում եմ. Օրինակ այն, որ անգլերեն լեզվին չեմ տիրապետում. Դպրոցում ֆրանսերեն եմ անցել, բայց հիմա որոշել եմ շատ ժամանակ տրամադրել անգլերենի ուսուցմանը: Սակայն իմ գեղեցկությանը վերաբերվող քննադատությունները ինձ անհասկանալի են, չէ՞ որ ինձ ժյուրին է ընտրել: Մանկուց բոլորը ասել են գեղեցիկ եմ, փողոցում նայում, երբեմն հաճոյախոսում են: Իսկ հիմա երբեմն ծայրաստիճան կոպիտ արտահայտություններ են հնչում իմ գեղեցկության հասցեին: Ինչպես ասում են, ճաշակին ընկեր չկա, բայց վիրավորել մարդուն չի կարելի:

Այո, այս տարին շրջադարձային էր իմ կյանքում: Ես երազել եմ համագործակցել նորաձևության համաշխարհային գործակալությունների հետ, ճանապարհորդել, սակայն հաջողության հասա գեղեցկության մրցույթում: Հիմա եղել է այն, ինչ եղել է, սկզբում հաղթանակ, հետո տարատեսակ քննարկումներ, քննադատություններ.... Բայց ցանկանում եմ աշխատել ինձ վրա, ապացուցել, որ ես արժանի գեղեցկուհի եմ:

- Լիլի, հաջողության ճանապարհը միշտ չէ, որ հարթ է: Ինչպե՞ս եք պատկերացնում Ձերապագան, շարունակելո՞ւ եք այս ոլորտում գործել, թե Ձեզ, այնուամենայնիվ, այլհետաքրքրություններ են գրավում:

- Ես պայքարելու եմ այս ոլորտում և վստահ եմ, որ հասնելու եմ հաջողությունների: Երբեք չի կարելի զենքերը վայր դնել և հանձնվել: Յուրաքանչյուր մարդ պետք է իր վրա անդադար աշխատի և ձգտի հասնել կատարելության ու իրականացնի իր երազանքները:

Մանրամասները՝ այստեղ: