Հրապարակել է Քեննեդիի սպանության մասին գաղտնի փաստաթղթեր (լուսանկարներ)

Ինչպես խոստացվել էր‚ Ամերիկյան իշխանությունները ԱՄՆ 35-րդ նախագահ Ջոն Քեննեդիի մահվան գործի գաղտնի մանրամասներն են հրապարակել: Նախագահ Թրամփի խնդրանքով գաղտնազերծված նյութերի մի մասը գաղտնի են մնացել՝ ԱՄՆ անվտանգությանը սպառնալու հնարավորության բացառման նպատակով:

Korrespondent.net-ը ներկայացնում է  հրապարակված տվյալներից ամենահետաքրքիրը:

ԱՄՆ 35-րդ նախագաղ Ջոն Ֆիջերալդ Քեննեդին 1963թ.-ի նոյեմբերի 22-ին Դալլասում սպանվել է գլխին արված դիպուկահարի հրազենային կրակոցից: Սպանության պահին իր կողքին է եղել կինը՝ Ժակլին Քեննեդին և Թեքսասի նահանգապետ Ջոն Լոննալին:

Կրակողը Լի Հարվի Օսվալդն է եղել‚ ով կալանավորվել է դիմացի շենքից դուրս գալիս: Նրան մեղադրանք են առաջադրել Քեննեդիի և ոստիկան Հյուսթոն Թիփփիտի սպանության մեջ‚ ինչը մեղադրյալը հերքում էր: 

Նոյեմբերի 24-ին  Օսվալդին Դալլասի բանտ ուղեկցելիս տեղի գիշերային ակումբի տեր Ջեք Ռուբին կրակել է Օսվալդի որովայնին‚ որից հետո նա մահացել է: Սպանությունը տեղի է ունեցել տեսախցիկների առաջ և տեսել են միլիոնավոր հեռուստադիտողներ:

Ռուբին իր արարքը մեկնաբանել է 2 պատճառով՝ որպեսզի վրեժ լուծի նախագահի համար և որպեսզի ազատի Ժակլին Քեննեդիին դատի ժամանակ որպես վկա ներկայանալու անհրաժեշտությունից:

Նրան մահապատժի են դատապարտել‚ սակայն դատավճիռը չեն հասցրել իրագործել‚ քանի որ վերջինս 1967-ին մահացավ քաղցկեղից:

Գերագույն դատարանի ղեկավարությամբ ստեղծված Հատուկ հանձնաժողովը պարզել է‚ որ Օսվալդը միայնակ է գործել և կատարել է 3 կրակոց դեպքի վայրի դիմացի շենքից՝ մեկը վիրավորել է նահանգապետին‚ մյուս երկուսը սպանել Քեննեդիին:

Հանձնաժողովի գործունեության ընթացքում պարզվել է‚ որ չկա ոչ մի ապացույց‚ որ Հարվի Օսվալդը և Ջեք Ռուբին միմյանց հետ ծանոթ են եղել:

Հայտնի է դարձել‚ որ Օսվալդը մինչև 1962թ.-ը աշխատել է Մինսկում և այնտեղ ամուսնացել սովետական քաղաքացի Մարինա Պրուսակովայի հետ. ուներ մեկ աղջիկ: Սակայն հատուկ գործակալությունների հետ կապի մասին ապացույցներ չեն գտնվել:

Հոկտեմբերի վերջին անցնում է Քեննեդիի սպանության մասին փաստաթղթերի գաղտնիության 25-ամյա ժամկետը: Մինչ այդ՝ հուլիսի 24-ին ԱՄՆ իշխանությունները հրապարակել էին շուրջ 3.9 հազար փաստաթուղթ: Իսկ Հոկտեմբերի 26-ին հրապարակվել են ևս 2891-ը:

Ընդ որում՝ Դոնալդ Թրամփը հայտնել է‚ որ փաստաթղթերի մի մասը ժամանակավորապես չեն հրապարակվի ՝ ԱՄՆ-ի անվտանգությանը վնաս սպառնալու պատճառով: Մինչև ապրիլի վերջ կհրապարակվեն գործի վերաբերյալ ևս 1000 փաստաթուղթ:

Ինչ էր թաքնված փաստաթղթերում

Փաստաթղթերի մեծ մասը ֆինանսական հաշվետվություններ են հակակոմունիստական գաղտնի ծրագրերի և Լատինական Ամերիկա զենքերի մատակարարման մասին: 

«Փաստերի շարք» փաստաթղթում ասվում է ԿՀՎ-ի կողմից այլ երկրների ղեկավարներին հեռացնելու մասին: «Հանձնաժողովը սահմանել է‚ որ ԿՀՎ գործակալները ներգրավված էին կուբական առաջնորդ Ֆիդել Կաստրոյի վրա սպանության փորձի մեջ...»: 

Նաև նշվում է «Մանգուստ» գործողության մասին‚ որով Կուբա պիտի ուղարկեին «բիոլոգիական գործակալներ»‚ որոնք կհանգեցնեին երկրում երաշտի:

Գրված է նաև Ռուսական Պետական Անվտանգության Կոմիտեի (КГБ) մայոր Յուրի Նոսենկոյի հարցաքննության մասին‚ ով պատմել է‚ որ ՊԱԿ-ին հետաքրքրել է Օսվալդի ԽՍՀՄ-ից մեկնելու փաստը:

ՊԱԿ-ում որոշել են‚ որ Օսվալդը հոգեկան անհավասարակշտություն ուներ և պետք է վերադառնար Ամերիկա: Տեղի է ունեցել դեպք‚ երբ Օսվալդին սովետական հյուրանոցում կտրված դաստակներով էին գտել:

Փաստաթղթերից մեկում Քեննեդիի սպանության մասին մեջբերվում է ԿՀՎ-ի Սովետական Միության աղբյուրի տվյալները.
«Քեննեդիի սպանության փորձի մասին նորությունը համարյա միանգամից սովետական ժողովրդի միջև տարածվել էր: Այն ընդունվել էր լուրջ շոկով և սարսուռով‚ եկեղեցիներում զանգեր էին հնչում նախագահ Քեննեդիի հիշատակի համար» -ասվում է փաստաթղթում:

Նաև նշվում է‚ որ ԽՍՀՄ-ը Օսվալդին համարում էր «նևրոտիկ մոլագար‚ ով հավատարիմ չէ ո՛չ իր պետությանը‚ և ո՛չ ալյ ինչի»:

Հայտնի է‚ որ Օսվալդը սպանությունից մի քանի շաբաթ առաջ 6-օրյա ուղևորություն է ունեցել դեպի Մեքսիկայի մայրաքաղաք: 

Ավելի շուտ հրապարակված տվյալներից հայտնի է‚ որ Օսվալդը ուղևորության ընթացքում կապ է հաստատել ԽՍՀՄ-ի և Կուբայի դեսպանությունների հետ և‚ ըստ որոշ տվյալների‚ բացեիբաց խոսում էր նախագահին սպանելու մտադրության մասին:

Ներ հրապարակված փաստաթղթերում նշվում է Մեքսիկայում ԽՍՀՄ-ի դեսպանատան հեռախոսազանգի ձայնագրման մասին՝ Օսվալդի ժամանումից 3 օր առաջ արված:

Հեռախոսազանգ կատարողը ներկայացել է և խոսել վատ ռուսերենով: Նա հարցրել է «որևէ նորություն կա՞ Վաշինգտոնից հեռագրի մասին»‚ որին հերթապահը բացասական է պատասխանել:

Նաև նշված է եղել‚ որ Հատուկ դաշնային բյուրոն (FBI) հետևել է Օսվալդին սպանությունից ոչ շատ առաջ‚ սակայն մի որոշ պահի կորցրել է հետքը: