Օծանելիքը, նրա նրբությունները և օգտագործման կարևոր դրույթները

Շատ կանայք և տղամարդիկ չգիտեն` ինչպես է պետք օծանելիքը օգտագործել: Զարմանալի է, բայց այն ևս ունի իր նրբությունները: Առանձնացնենք մի քանի կարևոր դրույթ.

1. Եղանակ. Սովորաբար տաք և շոգ եղանակին ահրաժեշտ է խուսափել սուր և քաղցր հոտերից, այլ օգտագործել նուրբ, սառը և թարմեցնող բույրեր: Իսկ ցուրտ և սառը եղանակին հարմար են բոլոր բույրերը:

2.Ալերգիա. Շատ հաճախ կանայք չեն զգում, որ այս կամ այն ալերգիան կարող է առաջանալ հենց օծանելիքից: Մարմնի վրա առաջանում է ցան և քոր: Դրանից խուսափելու համար անհրաժեշտ է փոխել բույրը կամ օծանելիքի ապրանքնիշը:

3. Մարմնի ո՞ր հատվածում ցանել. Որպեսզի բույրը երկար մնա անհրաժեշտ է այն ցանել ականջի ետևի և ձեռքի դաստակի մոտ: Դրանք մարմնի ամենակենտրոնական մասերն են, որոնք թույլ են տալիս, որ օծենելիքի բույրը երկար մնա:

4. Ինչպե՞ս հասկանալ, որ դա ձեր բույրն է. Սովորաբար, երբ դուք ինքներդ չեք զգում ձեր օծանելիքի բույրը, սակայն այն զգում է շրջապատը, ապա դա ձեր բույրն, իսկ հակառակ դեպքում դա ձեր բույրը չի համարվում:

5. Որտե՞ղ է պետք օգտագործել. Ամենաճիշտ վայրը որտեղ անհրաժեշտ է ցողել օծանելիքը, դա լողասենյակն է: