Մեր բոլոր առաջարկները ձեզ համար ճանապարհ են դեպի դժոխք. Նիկոլ Փաշինյան

Այսօր Ազգային Ժողովում օրինագծի քննարկման ժամանակ ԱԺ «Ելք» խմբակցության ղեկավար Նիկոլ Փաշինյանը՝ դիմելով հարակից զեկուցող Կորյուն Նահապետյանին ասաց‚ որ «Պաշտպանության մասին» օրինագծով ՀՀ զինված ուժերի շտաբի պետի նշանակման վերաբերյալ հստակ ձևակերպում չկա:

«Օրենքում կա հստակեցում, որ գլխավոր շտաբի պետը ինչ-որ ժամկետով նշանակվում է, բայց թե ով է նշանակում՝ չկա: Կա ընդհանուր ձևակերպում, որ վարչապետը նախագահին առաջարկներ է ներկայացնում բարձրագույն կազմի սպայական նշանակումների վերաբերյալ: Մեզ համար գլխավոր շտաբն ու շտաբի պետը առանձնահատուկ նշանակություն ունեցող պաշտոնյանե՞ր են, թե՞ հերթական պաշտոնյաներ: Չեք կարծո՞ւմ, որ ապրիլյան քառօրյա պատերազմը ցույց տվեց, որ գլխավոր շտաբի այն կառուցվածքն ու փիլիսոփայությունը, որոնք դրված են և այժմ այս օրենք է տեղափոխվում, չի արդարացվել: Մեր գլխավոր շտաբի պետերի հասցեին անընդհատ կոռուպցիայի մեղադրանքներ են հնչել, սկանդալային իրավիճակ է ստեղծվել: Չի կարող այնպես լինել, որ զինված ուժերի գլխավոր շտաբի կառավարման սկզբունքների հարցը լինի վարչապետ-պաշտպանության նախարար-շտաբի պետ մեժդուսաբոյչիկի ինչ-որ խնդիր»,-ասաել է պատգամավորը:

Կորյուն Նահապետյանը պատասխանել է. «Հեռու եմ այն մտքից, որ օրենքի քննարկման այս փուլում ինստիտուցիոնալ բոլոր հակակշիռները և զսպումները ստեղծված են: Սակայն, քննարկումների միջոցով պետք է ճիշտ լուծումներ գտնել, արեք ձեր առաջարկությունները»:

Նիկոլ Փաշինյանն իր հերթին տեղից արձագանքել է. «Մեր բոլոր առաջարկները ձեզ համար ճանապարհ են դեպի դժոխք, ինչ առաջարկություններ անենք, եթե մեր գրավոր առաջարկները մերժվում են»: