Շիրակի Պետհամալսարանի ռեկտորն ընդունում է իր անօրինականությունները
Շիրակի Պետհամալսարանում անօրինականությունների և ապօրինությունների մասին մեր՝Գագիկ Համբարյանի և Հովհաննես Խորիկյանի հրապարակած բաց նամակից հետո,ԲՈՒՀ-ի ռեկտոր Սահակ Մինասյանն կոնկրետ պատասխաններ չունենալով հայտարարել էր,որ դրանք հերյուրանքներ են:
Ուսանողների հետ հանդիպման ժամանակ ԿԳ նախարար Լևոն Մկրտչյանը իմանալով,թե ինչ անօրինականություններ են կատարվում Շիրակի Պետհամալսարանում հորդորել էր ուսանողներին դատի տալ ռեկտորին: Այսինքն,ԿԳ նախարարն ընդունել էր,որ ռեկտոր Մինսայանը կատարել է հանցագործություն: Դրանից հետո ռեկտոր Մինասյանը շուտափույտ կերպով վերականգնեց բարձր ՄՈԳ ունեցող ուսանողների զեղչերը,որն ընդամենը օրեր առաջ էր չեղարկել:
Հոկտեմբերի 2-ին,երբ ԲՈՒՀ-ում արդեն աշխատում էին ԿԳ նախարարության ստուգող հանձնաժողովի անդամները ռեկտոր Մինասյանը հրավիրեց գիտխորհուրդ և ավրալ կերպով ընդունեց նոր ուսումնական պլանները,որի արդյունքում վերացվեց այսպես կոչված ինտեգրված ուսուցումը և կատարվեց նոր դասաբաշխում: Հետաքրքիր է,եթե ռեկտոր Մինասյանը ոչ մի հանցանք չէր գործել,ինչու՞ ուսումնական տարվա սկսվելուց մեկ ամիս հետո փոխվեցին ուսումնական պլանները,որը բոլոր նորմալ ԲՈՒՀ-երում ընդունվում է ոչ թե հոկտեմբերի 2-ին,այլ մայիս-հունիս ամիսներին՝մինչ ուսումնական տարվա սկիզբը: Այսինքն,Շիրակի պետհամալսարանի ռեկտորը գիտխորհուրդ հրավիրելով և վերը նշված որոշումներն ընդունելով ակամայից ընդունեց,որ իրոք ապօրինություններ և անօրինականություններ է գործել:
Սա ի գիտություն ԿԳ նախարարության ստուգող հանձնաժողովի,որը երեք օր աշխատեց մեր ԲՈՒՀ-ում և որից ակնկալում ենք ԱՐԴԱՐ եզրակացություն մեր բարձրացված հարցերի վերաբերյալ:
Քաղաքում միտումնավոր լուրեր են տարածում,թե մենք ռեկտորի հետ ինչ-որ համաձայնության ենք եկել: Հայտարարում եմ՝ սուտ է: .Ապատեղեկատվություն հեղինակներն այն նույն մարդիկ են,ովքեր սեպտեմբերի 26-ի դասադուլի օրը նույնաբովանդակ սուտ լուրեր տարածելով փորձում էին խափանել դասադուլը:Որքան կռահում եմ,այս անգամվա ապատեղեկատվության "զոհերը" ԿԳ նախարարության համապատասխան աշխատակիցներն են:
Հ.Գ.Ի դեպ, չկարողանալով հերքել համալսարանի գրադարանի գրքային ֆոնդի ոչնչացման փաստը պարոն ռեկտորը ինչ-որ փաստաթուղթ է ներկայացրել ստուգող հանձնախմբին և ընդունել է,որ մակուլատուրա է հանձնել 6 տոննա գիրք: Սակայն,թե ինչի հիման վրա են դրանք հանձնվել (լաբորատոր ստուգումների տվյալներ,որ այդ 6 տոննան էլ անպիտան են եղել և այլն), ռեկտոր Մինասյանը որևէ փաստաթուղթ չի ներկայացրել:
Գագիկ Համբարյան, Facebook: