ԱՄՆ-ն խստացնում է երկրորդ անգամ վիզա տրամադրելու կարգը

ԱՄՆ պետքարտուղար Ռեքս Թիլերսոնը հանձնարարել է խստացնել երկիր գալու նպատակը կեղծած արտասահմանցիներին երկրորդ անգամ վիզա տրամադրելու կարգը: Այս մասին հայտնում է The New York Times-ը:

Նշվում է, որ պետդեպարտամենտը հետևելու է, թե որքանով է արտասահմանցու այցի ընթացքը համապատասխանում նախապես նրա նշածին: Եթե պարզվի, որ տվյալ անձը աշխատանքի է տեղավորվել կամ ամուսնացել է ԱՄՆ քաղաքացիություն ունեցող անձի հետ և նախապես այդ մասին չի հայտնել ԱՄՆ դեսպանատանը, կհամարվի, որ նա մտածված ստել է: Դա կբարդացնի երկրորդ անգամ վվիզա ստանալու գործընթացը կամ պարզապես կմերժվի:

Նոր կարգը չի վերաբերի այն 38 երկրներին, որոնց քաղաքացիներին ԱՄՆ այցելելուի համար վիզա պետք չէ:

Միայն 2016 թ»-ին ամերիկյան իշխանություններն ավելի քան 10 միլիոն վիզա են տրամադրել: