Ո՞րն է «Սասնա ծռեր»-ի անլրջության սահմանը

Քաղաքական աշունը, կարծես թե, արդեն մեկնարկել է: Ճիշտ է ոչ բուռն տեմպով, բայց որոշ քաղաքական ուժերի կողմից նկատվում է հետհանգստյան ակտիվության որոշ քայլեր: Առավել ակտիվ են հատկապես արտախորհրդարանական ուժերը, որոնք փորձում են ամեն ինչ անել հասարակության ուշադրության կենտրոնում մնալու համար:

Բավականին ակտիվ են նաև «Սասնա ծռեր» խմբավորման անդամները: Նրանց կողմից անընդհատ հնչում են հայտարարություններ ու կոչեր, որոնք, սակայն, ոչ այնքան բովանդակաության վրա են հենված, այլ հուզականության: Օրինակ վերջերս հարցազրույց էր տվել Ալեգ Ենիգոմշյանը` նշելով, որ սեպտեմբերին որոշ լուրջ տեղաշարժեր կլինեն իրենց կողմից: Դրան հաջորդել էր «Սասնա ծռեր» խորհրդի անդամ Արմենակ Կյուրեղյանի հարցազրույցը, որտեղ վերջինս, անդրադառնալով Ենիգոմշյանի կողմից նշված քայլերին, ասել էր, որ քաղաքում չի եղել և այդ մասին տեղյակ չէ։ Բնականաբար, այստեղ առաջանում է տրամաբանական մի հարց, ո՞ւմ հետ է Ենիգոմշյանը լուրջ քայլերի նախապատրաստվում, եթե իրենց խորհրդի անդամները տեղյակ չեն ոչնչից:

Թերևս այս խմբակը կարիք ունի նախ զբաղվել ինքնակազմակերպմամբ, ապա նոր խոսել ժողովրդի անունից կամ համաժողովրդական շարժումներից: Այլապես այս ամենն արդեն ծիծաղելի էլ չէ:

Արման Ալավերդյան. Ֆեյսբուք: