Ինչպե՞ս են աշխարհի տարբեր ծայրերում տոնում ծննդյան տարեդարձը
Ֆեյսբուքը մեզ ամեն օր ջանասիրաբար հիշեցնում է, որ մեր ֆեյսբուքյան ընկերներից ոմանց ծննդյան տարեդարձն ու մենք էլ որոշում ենք` շնորհավորել նրանց, թե ոչ...
Իսկ հիմա եկեք հասկանանք, թե առհասարակ տարբեր երկրներում ինչպես են շնորհավորում կամ, որ ավելի մառազմատիկ է, ՉՇՆՈՐՀԱՎՈՐՈՒՄ հոբելյարին...
Սկսենք չշնորհավորողներից....
Ճապոնիայում, օրինակ, առհասարակ ընդունված չէ ծննդյան օրը նշելը: Այստեղ ավելի շատ ընդունված է շնորհավորել հոբելյարի ծնողներին: Նվերների մասին առհասարակ խոսք գնալ չի կարող, քանի որ Ճապոնիայում կարծում են, որ նվերներ պետք է տալ միայն
60, 70, 79, 88 և 99 տարեկան դառնալու առթիվ:
Նույնը կարող ենք ասել աֆրիկյան պետությունների մասին: Գալլա ցեղախմբում, օրինակ, ծննդյան տարեդարձը նշում են 8 տարին մեկ, իսկ Հյուսիսային Աֆրիկայում առհասարակ ընդունված է ամբողջ կյանքում 2 անգամ տարեդարձը նշել` մեկ ծնվելու օրը, մեկ էլ 52 տարեկան դառնալու ժամանակ (ով չհասավ էդ տարիքին տենց էլ 2րդ տարեդարձ չի նշում:
Չնշողների բանակին կարող ենք ավելացնել նաև վիետնամցիներին: Նրանք անհատապես ոչ մեկին չեն շնորհավորում ծննդյան կապակցությամբ: Տարվա բոլոր ծնունդները նշվում են հենց ՆՈՐ ՏԱՐՎԱ գիշերը` ընթացքում առանձին-առանձին շնորհավորանքներից խուսափելու համար:
Դե հիմա էլ անսովոր նշողներին անդրադառնանք...
Էկվադորում, երբ լրանում է աղջկա 15 տարին, նա պարտավոր է վարդագույն զգեստ հագնել և խնջույքին պարել միայն իր հոր հետ: Առաջին պարի ժամանակ հայրն ու դուստրը պետք է շրջապատված լինեն ևս 14 զույգով:
Հվ. Աֆրիկայում հոբելյարի 21 տարին լրանալուն պես ծնողները նրան թղթե բանալի են նվեր տալիս: Սա նշանակում է, որ այսուհետ զավակն է տնօրինում իր կյանքն ու կարող է բացել բոլոր այն դռները, որոնք նա կցանկանա:
Կանադայի բնակիչները հաճախ ծննդյան տարեդարձին հետաքրքիր ավանդույթի են հետևում: Նրանք հոբելյարի քթին կարագ են քսում: Այսպես նրանք համոզված են, որ հոբելյարից սղալով կանցնեն բոլոր կյանքի դժվարություններն ու խնդիրները: Դրանից հետո նրանք կամաց զարկում են հոբելյարի կրծքավանդակին այնքան, որքան նրա տարիքն է:
Ասածս ինչ է` եթե Ձեր ծնունդը չեն շնորհավորում, մի' նեղացեք` գուցե չշնորհավորողն ուղղակի հետևում է վերըթվարկած չշնորհավորող երկրների ավանդույթներին:
Անիկ Մարգարյան. Ֆեյսբուք: