Հարգելի բուհեր, վերանայե՛ք, կամ էլ դատարկ լսարաններով հիացեք

Վերջերս Հայաստանի բուհերը բողոքում են, ասելով, որ երիտասարդները էլ ձգտում չունեն սովորելու, որ շատ տեղեր թափուր են մնացել և այլն։

Հարգելի բուհեր, եկեք նախ ձեր բողոքը քննարկենք։

1. Նախ, եթե տարեկան վարձերը էժանացնեք, ապա թափուր տեղերը զգալիորեն կնվազեն, քանի որ դպրոցը ավարտելուց հետո երիտասարդների մեծ մասը սկսում են աշխատել տարբեր տեղեր ստանալով օրեկան մոտավոր 3000 դրամ (շատ երիտասարդներ նույնիսկ դպրոցում սովորելու ժամանակվանից են աշխատում), ու բնականաբար երիտասարդը իր օրեկան 3000 դրամով չի կարող ձեր վարձը մարել, իսկ եթե ձեր հույսը դրել եք ծնողի վրա, ապա ասեմ, որ եթե ծնողը միջոցներ ունենար, հաստատ երեխային աշխատելու տեղը կուղարկեր համալսարան, այդ ժամանակ երիտասարդը կարող էր արձակուրդներին աշխատել, որպեսզի չշեղվեր դասերից, այլ ոչ թե գիշերը աշխատեր, իսկ առավոտյան գար համալսարան։

2. Պետք է ձեր շրջանավարտներին ավարտելուց հետո օգնեք աշխատանքի հարցով։ Որ Բժշկականի շրջանավարտը սուպերմարկետում գանձապահ չաշխատի, քանի որ իրա գործով աշխատելու համար մաղարիչ է պետք, կամ օրինակ մենեջմենթ կառավարման բաժնի շրջանավարտը ստիպված չլինի գնա մատուցող աշխատի, կամ ծրագրավորման բաժնի շրջանավարտը գնա տաքսի քշի և այլն։

Բնականաբար ոչ մի աշխատանքի մեջ էլ վատ բան չկա, ես ինքս էլ համ մատուցող եմ աշխատել, համ վաճառող և այլն և այլն, բայց վատը գիտե՞ք որն է, որ օրինակ այսքանը իմանալով ոչ մեկ էլ տարեկան միջինը 800.000 դրամ չի տա, որ 4 տարի հետո գնա մատուցող աշխատի, կամ վաճառող, առանց ձեր տված դիպլոմի էլ կարա աշխատի։ Այնպես որ, վերականգնեք հավատը ձեր կողմից տրված դիպլոմի նկատմամբ։

3. Անվճար ուսում տրամադրեք, զեղչային ճկուն համակարգեր, խրախուսեք երիտասարդությանը, զինվորներին զեղչեր տրամադրեք, բացի իրանց ընտանիքները պահելուց ախր ձեր բուհերն էլ են պահել չէ՞։ Անվճար տեղերը էլ ավելի շատացրեք, վերջ իվերջո ձեր նպատակը պետք է ոչ թե բիզնեսը լինի, այլ երիտասարդությանը կրթելը։

Խստացրեք, գումարի դիմաց մի պահեք չսովորող աշակերտներին, թող գնան արհեստ սովորեն, ինչքան բժիշկներ են պետք այդքան էլ վարսավիրներ ու խոհարարներ և այլ։

Թե չէ հավատացած եղեք, որ շատերն են ցանկանում ուսում ստանալ, բայց իվիճակի չեն։ Մենակ չասեք վարկեր։ Հայաստանում բանկային համակարգը լոմբարդի նման է, լավ, ասենք առաջին տարվա ուսման վարձը վճարեցին ուսանողական վարկով, բա մյուսը՞, եկող տարի համ վարկ փակեն համ վարկ հա՞։

Մի խոսքով վերանայեք, կամ էլ դատարկ լսարաններով հիացեք։

Սամվել Հայրապետյան. Ֆեյսբուք