Սպանվե՞լ, թե՞ մահացել է սաուդացի արքայազնը
Այսօր առավոտվանից աշխարհի բոլոր ԶԼՄ-ները հաղորդում են Սաուդյան Արաբիայում իշխող ալ-Սաուդների դինաստիայի ներկայացուցիչ, 26-ամյա արքայազն Թուրքի ալ-Սաուդի մահվան մասին գուժը: Ըստ պաշտոնական հաղորդագրության երիտասարդ արքայազնը մահացել է սրտամկանի կաթվածից:
Սակայն Սաուդյան Արաբիայում տիրող իրավիճակին ծանոթները չեն հաատում,որ Թուրքի ալ-Սաուդը Ալլահի մոտ է «ուղևորվել» հիվանդության պատճառով:
Հիշեցնեմ,որ Սաուդյան Արաբիան բացարձակ միապետություն է և երկրում ամբողջ իշխանությունը գտնվում է իշխող թագավորական դինաստիայի ներկայացուցիչների ձեռքում:
Ներիշխանական պայքարը և իրավիճակի սրումը Սաուդյան Արաբիայում տեղի ունեցավ այն բանից հետո,երբ հուլիսի 21-ին 81-ամյա թագավոր Սալման իբն Աբդել Ազզիզ ալ-Սաուդը որոշում ընդունեց փոխել թագաժառանգին և 57-ամյա Մոհամեդ բեն Նաիֆին փոխարինեց իր որդով՝ 31-ամյա Մոհամեդ բեն Սալման ալ-Սաուդով:
Այսպիսի իրադարձություններն ահհետևանք չեն անցնում,քանի որ նախկին թագաժառանգը և նրա կողմանկիցները ձեռքները ժալած չեն նստում և փորձում են վերականգնել իրենց իրավունքները: Ըստ արևմտյան ԶԼՄ-ների, Մոհամեդ բեն Սալման ալ-Սաուդին թագաժառանգ նշանակելուց հետո, երկրի թագավորը ոչ միայն նախկին թագաժառանգին՝ Մոհամեդ բեն Նաիֆինին զրկել է զբաղեցրած պետական պաշտոններից՝ ՆԳ-ի և հատուկ ծառայությունների նախարարությունների ղեկավարի պաշտոններից,այլև վերցվել է տնային կալանքի տակ իր հայրենի Ջիդդա քաղաքում գտնվող պալատում և վերջինիս արգելվել է լքել երկրի տարածքը: Ըստ նույն աղբյուրների,Մոհամեդ բեն Նաիֆի կարգավիճակում դեռ փոփոխություններ չկան: Նա շարունակում է «բանտարված» մնա իր տանը:
Օգոստոսի 6-ին Fars գործակալությունն արաբական ԶԼՄ-ներին հղում տալով տեղեկություն տարածեց,ըստ որի Սաուդյան Արաբիայի թագաժառանգի դեմ մահափորձ է կազմակերպվել,որը ձախողվել է: Ըստ Fars-ի մահափորձն իրականացրած արքայազնը ձերբակալվել է: Ու հանկարծ այս տեղեկությունից ընդամենը երկու օր անց ալ-Սաուդները տեղեկություն են տարածում,որ մահացել է իշխող դինաստիայի արքայազներից մեկը:
Մեծ հավանականությանբ կարելի է ասել,որ այսօր սրտամկանի ինֆարկտից մահացած արքայազն Թուրքի ալ-Սաուդը,հենց այն արքայազն է,ով Մոհամեդ բեն Սալման ալ-Սաուդի դեմ կազմակերպած անհաջող մահաձորձի հեղինակն է...Սպանելով իր եղբայրներից մեկին վերջինս իր ենթականերին ցույց է տալիս իր ուժը և հասկացնում,որ չի ներելու դավաճաններին:
Իշխանությունը շատ քաղցր և թանկ բան է: Բացարձակ տարբերություն չկա միջնադարում և 21-րդ դարում տեղի ունեցող իշխանության համար մղվող պայքարի ձևերի միջև: Սաուդյան Արաբիայում այսօր տեղի ունեցածը դրա վառ ապացույցն է: Առանց դատ ու դատաստանի եղբայր, քույր, հայր, մայր և այլ բարեկամների սպանելը ամենաընդունված տարբերակն է: Չկա մարդ՝չկա և նրանից սպասվող վտանգը:
Հ.Գ. Ըստ արևմտյան ԶԼՄ-ների՝ նորաթուխ թագաժառանգը ի տարբերություն նախկինի Քաթարի և Իրանի հարցերում ավելի ծայրահեղական տեսակետներ ունի:
Գագիկ Համբարյան. Ֆեյսբուք: