Իշխանությունն ու ՀՀԿ-ն թող չզարմանան, որ հետագայում Հայաստանում «Սասնա ծռեր-2» տեղի ունենա

Հատուկ Քննչական ծառայությունը կարճել է «Զիբիլիքս» անունը ստացած հայտնի գործը, որով «Ելք»դաշինքը բողոք էր ներկայացրել, Երևանի ավագանու ընտրությունների օրը ՀՀԿ կողմից ընտրակաշառք բաժանելու կապակցությամբ։ Հիշեցնենք, որ այս գործով քննությունը ընթացք էր ստացել այն ժամանակ, երբ հենց ընտրությունների օրը «Ելք»-ի ներկայացուցիչներից մի քանի հոգիօ մտել էին ՀՀԿ շտաբերից մեկը, որտեղ աղբամանում հայտնաբերել էին ցուցակ, որը այդ ընտրատարածքի բնակիչների անուններով էր հագեցած։

ՀՔԾ-ն հայտարարել է, որ բավարար չափով արգումենտներ ու ապացույցներր չկան այդ գործով մարդկանց ձերբակալելու համար։ Սա կարելի է երևի թե համարել հայկական արդարադատության գերեզմանփորը։ Այսինքն ստացվում է այսպես, միակ տարբերակը, ըստ որի կարող է՝ ընտրություններում հանցագործության մասին տրված հաղորդումը բավարարվել, դա այն դեպքը կլինի, երբ, օրինակ, ասենք թե, ընտրակաշառք վերցնողը տեսախցիկների առջև հայտարարի, որ ընտրակաշառք է վերցրել, ու պահանջում է պատժել իրեն։

Տեսեք, Հայաստանում վերջին ժամանակներս շատացել են վենդետայի դեպքերը՝ մեզ, հանրությանը գոնե հայտնի են երեք դեպք։ Սակայն դեռ ինչքան երևույթներ կան, որոնք մնում են տեսադաշտից դուրս։ Հետևաբար հարց է առաջանում, ինչու են առաջանում այդպիսի դեպքեր։ Մարդիկ պարազապես չեն հավատում Հայաստանում արդարադատության համակարգին ու հարցերի լուծումը տեսնում են բռնության ու ինքնադատաստանի միջոցով։ Հիմա սույն դեպքում, «Ելք»-ը ներկայացրել է ապացույցներ, մեր համոզմամբ հավաստի տեղեկություններ, սակայն էլ ինչ է մնում անել այս քաղաքական ուժին, եթե ոչ դիմել ծայրահեղ քայլերի, հենց թեկուզ քաղաքական պայքարում։ Եթե չի ապահովվում այդ տարրական սկզբունքը, ապա իշխանությունն ու հենց ՀՀԿ-ն թող հեչ չզարմանան, որ հետագայում Հայաստանում «Սասնա Ծռեր-2» շարունակվեն։

Կարեն Համբարձումյան. Ֆեյսբուք: