Անհայտ անձիք կանացի կեղծամներով թալանել են հայտնի հեռուստալրոգրողուհի Անժելա Թովմասյանին (լուսանկարներ)

Shamshyan.com-ը գրում է. ոստիկանության Երևան քաղաքի վարչության Ոստիկանության Արաբկիրի բաժնի հետաքննչական բաժանմունքում հետաքննություն է սկսվել երեկ՝ հուլիսի 26-ին Երևանում անհայտ անձանց կողմից Porsche Cayenne մակնիշի 35 GX 767 համարանիշի ավտոմեքենայի առջևի լուսարձակների գողությամն փաստով:

Այդ օրը գիշերը,ժամը 02:00-ից 04:00-ն ընկած ժամանակահատվածում երկու հոգի, ովքեր դեմքերը փակել են կանացի դիմակներով, գլխներին դնելով կանացի կեղծամներ, մի քանի վայրկյանի ընթացքում Արաբկիր վարչական շրջանի Մամիկոնյանց փողոցի շենքերից մեկի բակից գողացել են Porsche Cayenne մակնիշի ավտոմեքենայի առջևի լուսարձակները: Այդ ամենը տեսաձայնագրել է ավտոմեքենայի կայանման վայրին մոտ շենքերից մեկում տեղադրված տեսախցիկը: Ֆոտոլրագրողը հայտնում է, որ թալանված Porsche Cayenne ավտոմեքենան պատկանում է ճանաչված ու սիրված հեռուստալրագրող «Հայելի» ակումբի հիմնադիր նախագահ, «Կենտրոն» հեռուստաընկերությամբ հեռարձակվող «Հայելին ձեր տանը» սիրված հաղորդաշարի հեղինակ և վարող Անժելա Թովմասյանին: