Տեսնես այդ պաշտոնյանները ո՞նց են գլուխները դնում բարձին ու քնում

Մենք կարող ենք առանց վարանելու հայրենիքին նվիրել մեր կյանքը, մեր առողջությունը, կարող ենք մեր վերջին դրամը նվիրել հայրենիքին, կարող ենք հանուն հայրենիքի վաճառել ունեցվածքն ու մի բարի գործ անել, բայց նաև մենք կարող ենք այս նեղ մաջալին գնել թանկարժեք ջիփեր պետական միջոցներով, կազմակերպել թանկարժեք ուղևորություններ ու հանգիստ ընտանիքի համար նորից պետական միջոցների հաշվին:

Երեկ լրագրող տղերքից մեկը արձագանքեց իմ գրառմանը ու առաջարկեց իր համակրգչի մոնիտորը, որը պետք է X սահմանային զորամասին X ծրագրի շրջանակներում: Հասկանում եք, լրագրող մարդ, ով չոր աշխատավարձի վրա է, ով լրացուցիչ գումար աշխատելու ոչ ժամանակ ունի, ոչ էլ շանս, բայց իրեն նեղն է գցում, որ մի նյութական բանով աջակից լինի երկրի, բանակի հզորացաման գործին:

Տեսնես այդ պաշտոնյանները ոնց են գլուխները դնում բարձին ու քնում, երբ դիրքում կա այս կամ այն նյութականի կարիքը, բայց իրենք թանկարժեք ամենագնացներ են գանյատ անում: Ձեր երգն էլ, ձեր պարն էլ, ձեր ցուցամոլությունն էլ, դուք էլ... Դիրքապահ տղերքի կողքին կանգնողը հենց նրանք են եղել, ովքեր մշտապես լինելով պարտքերի ու կարիքի մեջ, ձեռք են մեկնել, պետք եկած վախտն էլ զենք են վերցրել ու դա արել են սուս ու փուս, նվիրումով:

Կարեն Հովհաննիսյան. Ֆեյսբուք