Գալու է մի պահ, երբ ՀՀ-ն լիովին միայնակ է մնալու...
Իրաքը, որտեղ գտնվում են ԱՄՆ-ի և կոալիցիայի զորքերը, որոնք իրաքյան բանակի հետ իբր թե կռվում են «Իսլամական պետության» դեմ, շուտով կստանա ռուսական Т-90 նորագույն տանկերի առաջին խմբաքանակը՝ 73 հատ։ Նախատեսված է, որ Իրաքը կգնի ևս երեք հարյուր հատ այդ տանկերից։ Լիովին ավարտվել է հարյուր Т-90 տանկերի առաքումը մեր հարևան երկիր, որի համար նրանք բնականաբար հաճույքով են վճարում, ի տարբերություն մեր իշխանությունների․․․
Թուրքիան, Սաուդյան Արաբիան, որոնք համարվում են ԱՄՆ-ին դաշնակից երկրներ, նույնպես ցանկություն են հայտնել գնել ռուսական զենքեր։ Ընդ որում, Արաբական այս երկրի հետ արդեն կնքվել է հինգ միլիարդի նախնական պայմանագիր։ Բնականաբար, ԱՄՆ-ն որոշակի քայլեր ձեռնարկել է, բայց եթե այս երկրները հրաժարվեն ռուսական զենքից, ապա միայն այն դեպքում, եթե ԱՄՆ-ն կատարի նրանց պահանջները․․․
Իսկ թե ինչ է ուզում Թուրքիան, պիտի որ պարզ լինի․․․ Սովորական առևտուր է, պարզ քաղաքականություն, որը սակայն անհասանելի է ՀՀ իշխանություններին․․․ Ընդհանրապես, անհասկանալի է, թե ինչպես են պատկերացնում մեր իշխանությունները ՀՀ ապագան, երբ ապավինում են էլիտային, միջազգային հասարակությանը կամ Ռուսաստանին․․․
Եվ Ռուսաստանը, և ԱՄՆ-ն այսօր այնքան լուրջ ու գլոբալ խնդիրներով են զբաղված, որ ՀՀ-ն նրանց համար ոչ մի նշանակություն չունի, և քսանվեց տարվա ՀՀ անհեթեթ արտաքին քաղաքականության հետևանքով մեր երկիրը կորցրել է իր նշանակությունը որպես գործընկեր․․․ Գալու է մի պահ, երբ ՀՀ-ն լիովին միայնակ է մնալու․․․ Եթե ԱՄՆ-ն չի խոչընդոտում Իրաքին՝ գնել ռուսական տանկեր, ապա Ռոսաստանն էլ հաճույքով ՀՀ-ին կվաճառի ցանկացած զինատեսակ, բայց դրա համար ՀՀ-ն պետք է վճարի, որը սակայն չեն ցանլկանում անել ՀՀ իշխանությունները․․․
Սա այն դեպքում, երբ մեկ տանկը արժե չորս միլիոն դոլար, այսինքն հարյուր տանկի համար ընդամենը չորս հարյուր միլիոն․․․ Բայց շատերը գիտեն, որ վերջին քսան տարիների ընթացքում ՀՀ իշխանությունների ստվերային տարեկան շրջանառությունը մեկ միլիարդից մի քիչ է պակաս․․․
Արմեն Հարությունյան. Ֆեյսբուք: