ՈւԵՖԱ-ն արգելե՞լ է Հայաստանի և Արցախի դրոշները «Սամտրեդիա»-ի և «Ղարաբաղ»-ի վաղվա խաղին
Ադրբեջանական ԶԼՄ-ների տեղեկություններով ՈՒԵՖԱ-ն արգելել է Հայաստանի և Արցախի դրոշների Թբիլիսիի մարզադաշտ տանելը, որտեղ վաղը տեղի կունենա վրացական «Սամտրեդիա» և ադրբեջանական «Ղարաբաղ» թիմերի երկրորդ խաղը:
Զարմանալի էակներ են ադրբեջանցիները: Իրենց և վրացական ֆուտբոլային թիմերի հանդիպումների ժամանակ տեղի ունեցած բացասական բոլոր երևություների մեջ փորձում են հայկական հետք գտնել:
Ալիևյան կայքերից մեկի հոդվածում բացահայտ մեղադրանքներ են հնչում հայերի հասցեին ,բայց ոչ մի ապացույց ներկայացված չէ: Անհեղինակ հոդվածում ընդամենը եզրակացություն է արվում, որ հայերն են մեղավոր վրաց-ադրբեջանական ֆուտբոլային թիմերի հանդիպման ժամանակ տեղի ունեցած միջադեպերի համար:
Բայց զավեշտալին նրանում է, որ այդ միջադեպերի ժամանակ ոչ մի անգամ ՀՀ-ի կամ Արցախի դրոշներ չեն պարզվել: Ոչ մի Հայաստանին կամ Արցախին պաշտպանող ցուցապաստառ չի պարզվել: Ընդհակառակը,2015 թ-ին Թբիլիսիի «Դինամոյի» և ադրբեջանական «Գաբալայի» միջև խաղի ժամանակ վրացի երկրպագուները պարզել էին «Մենք հիշում ենք... Զաքաթալա, Գախ.1921»:
Թբիլիսյան հանդիպումից հետո «Դինամոյի» երկրպագուները, որոնք չեն էլ թաքցրել իրենց դեմքերը ծեծի են ենթարկել ազերիներին, խլել և ոտնատակ տվել «Գաբալայի» և Ադրբեջանի դրոշները ու այդ ամենը հրապարակել սոցցացնցերում...Բաքվում հիանալի տեղյակ են այդ արարքի բոլոր «հերոսներին», սակայն փորձում են ամբողջ մեղքը բարդել հայերի վրա՝ խնայելով վրաց-ադրբեջանական հարաբերությունները:
Սակայն Բաքուն շատ արագ բացահայտեց ,որ հայերին մեղադրանքներ ներկայացնելը շինծու են ,քանի որ այդ թիմերի միջև տեղի ունեցած երկրորդ հանդիպման ժամանակ ազերի երկրպագունմերն էին անցել «պատմաաշխարհագրական» հիշողությունների գիրկը և Վրաստանին էին տարածքայի պահանջներ ներկայացնում, ինչպես նաև ոտնատակ էին արել և այրել Վրաստանի դրոշը:
Այս ամենից հետո, երբ վրացի և ազերի ֆուտբոլի երկրպագուները միմյանց նկատմամբ ատելությամբ են լցված, Բաքվում գիտակցելով, որ վաղը տեղի ունեցող «Սամտրեդիա»-ի և «Ղարաբաղ»-ի խաղի ժամանակ կարող են տեղի ունենալ ֆորս մաժորային իրավիճակներ, նախօրոք արդեն փորձում են այդ ամենում մեղադրել հայերին, այն դեպքում, երբ հայերի համար բացարձակ միևնույն է, թե ով է հաղթում:
ՈՒԵՖԱ-ն, եթե այդպիսի հիմար որոշում է ընդունել լավ կլինի իմանա,որ հայերի համար շատ անպատվեբեր է, եթե Հայաստանի և Արցախի դրոշները ծածանվեն ադրբեջանական լաթի կողքին:
Ի դեպ, ևս մեկ անգամ ազերիները օգնության են կանչել SOCAR Energy Georgia-ին՝ ի դեմս գլխավոր տնօրեն Մահիր Մամեդովի: Ազերիական այս ընկերությունը մենաշնորհ ունի վրացական գազի և նավթի շուկաներում: Այսինքն, Բաքվում սպառնում են վրացիներին և հասկացնում, որ խելոք մնան և չզայրացնեն Իլհամ բաբային: Այլ դեպքում, էներգակիրների խնդիր կունենան:
Հ.Գ. Հավանականությունը, որ վաղը վրացիները կրկին իրենց ատելությունը ցույց կտան ազերիներին շատ մեծ է: Առաջին խաղում ադրբեջանցիները հաղթել են 5-0 հաշվով: Տաքարյուն վրացիրները հաջորդ փուլ չանցնելու դեպքում մի լավ ցույց կտան ադրբեջանցիներին իրենց «հյուրընկալությունը»:
Գագիկ Համբարյան. Ֆեյսբուք