на Русском
Իրանի քաղաքացիները ՀՀ են ներկրել շուրջ 12 կգ ... 
Հրայր Թովմասյանի մասնակցությունը անհնարին է ... 
ԱԺ գարնանային նստաշրջանի աշխատանքները մեկնաբանում են իշխանության և ընդդիմության ներկայացուցիչները
ԱԺ հինգերորդ գումարման գարնանային նստաշրջանն ավարտվեց: Նստաշրջանի ընթացքում շատ օրինագծեր և նախագծեր ընդունվեցին:
Թե ինչպես են իրենց աշխատանքները գնահատում ընդդիմությունն ու իշխանությունը, այդ մասին Operativ.am-ի թղթակիցը զրուցեց ՀՅԴ ԳՄ անդամ Արմեն Ռուստամյանի և ՀՀԿ խմբակցության ղեկավար Գալուստ Սահակյանի հետ:
ՀՅԴ-ական պատգամավորի խոսքով՝ գարնանային նստաշրջանն անցավ հարափոփոխ իրավիճակներով:
«Ընդդիմությունը փորձեց լիարժեք օգտագործել կանոնակարգ օրենքով իրեն տրված լիազորությունները: Հիմնական խնդիրը բյուջեի հաշվետվությունն էր, նաև Կառավարության ներկայացրած ծրագիրը, որոնց վերաբերյալ մենք որպես ընդդիմություն հայտնել ենք մեր մտահոգությունները և գնահատականները»,- նշեց Ռուստամյանը:
Սակայն ըստ Ռուստամյանի` մտահոգիչն այն է, որ նշված թերություններից ու բացթողումներից հետո Կառավարությունը հետևություններ չի կատարել և կրկնվում է նույն Կառավարությունը.
«Կառավարությունը չի փոխվում ' չնայած այն բանի, որ հստակ արտահայտվում են մտահոգություններ՝ կապված ծանր սոցիալ-տնտեսական իրավիճակի հետ: Այս մասին մենք ևս խոսեցինք, սակայն եզրակացություններ չարվեցին: Ընդունվածներից ես կարևորում եմ այն, որ արտոնություն տրվեց ամրացնելու համար մեր սահմանամերձ գոտիներոը, արտոնություն տրամադրել սահմանամերձ գոտիների դիմորդներին»,- ասաց ՀՅԴ պատգամավորը:
ՀՀԿ-ական Գալուստ Սահակյանը նույնպես դրական գնահատեց գարնանային նստաշրջանի աշխատանքները, խմբակցության ղեկավարը դրական էր վերաբերվում նաև այն իրողությանը, որ այս նստաշրջանի ընթացքում ընդդիմությունն ու այլընտրանքը միասնական էին քվեարկությունների ժամանակ.
«Ես դա դրական եմ գնահատում, որովհետև եթե դա ինքնանպատակ չէր և յուրաքանչյուրն արժևորի իր ախատանքը, ցանկացած օրենքի նկատմամբ իր վերաբերմունքը ցույց տա, ապա դա ավելի կակտիվացնի օրենսդրական աշխատանքը, բայց միևնույն ժամանակ ընդդիմությունն ավելի շատ առաջնորդվում է քաղաքական մեկնություններով, քան օրենսդրական աշխատանքնով,- ասաց Սահակյանը:
Ինչ վերաբերում է Խորհրդարանում այլընտրանքային խմբակցություն ձևավորած ԲՀԿ-ին, ապա վերջինիս վերաբերյալ Սահակյանն իր հետևյալ համոզմունքն ունի.
«ԲՀԿ-ն իր ռազմավարությունն ունի, որը նաև շաբաթներ առաջ պարոն Ծառուկյանը ներկայացրեց հասարակությանը, ես որևէ միտումներ չեմ տեսնում, որ քաղաքական ուժ կա, որը ոչ կողմնակալ վերաբերմունք ունի իշխանության նկատմամբ, ոչ էլ ընդհանուր ընդդիմության ճամբարի վերաբերյալ։
Առավել ևս այս վերջին շրջանում ընդդիմության գործիչներն ավելի շահագրգռված են ինչ անեն, որպեսզի ԲՀԿ-ի քաղաքական կապիտալից օգտվեն»,- նշեց Սահակյանը:
