Նրանց համար, ովքեր պատկերացում չունեն, թե ինչ է կատարվում Մերձավոր Արևելքում հատկապես «Իսլամական պետության» մասով
1. Իրականությունն այն է, որ «Իսլամական պետությունը» կորցնում է տարածքներ, բայց այս իրավիճակում չկան ակնհայտ հաղթողներ: Հաղթողների մեջ չեն ո՛չ սիրիական և իրաքյան բանակները, ո՛չ էլ արտաքին ուժային կենտրոնները:
2. Երեք տարի է անցել «Իսլամական պետության» հռչակումից, բայց զգացվում է, որ չենք հասկանում այս կառույցի գաղափարախոսությունը, որը կառույցը իրաքյան լոկալ խմբավորումից վերածեց ոչ միայն մերձավորարևելյան, այլ նաև գլոբալ խաղացողի (դրա հետևանքները հետո կզգացվեն):
3. Անտեսվում են (միգուցե դիտավորյալ) սիրիական և իրաքյան կենտրոնական իշխանությունների դեմ ուղղված տեղերում վաղուցվանից առկա դժգոհությունները, որոնք նպաստեցին Իսլամական պետության վերելքին հենց Սիրիայի և Իրաքի որոշ հատվածներում:
4. Էն մարդիկ ովքեր կարծում են, որ «ԻՊ»-ի նկատմամբ հաղթանակը մոտ է, մոլորության մեջ են: ԻՊ-ի ներկայիս մարտավարության սկիզբը դրվել է դեռևս անցած տարվա կեսերից: Ասել է թե՝ դուրս գալ խոշոր բնակավայրերից և անցնել պարտիզանական պայքարի մարտավարության: Իսկ այդ պայքարի ռազմադաշտը Մերձավոր Արևելքում լինելու են Սիրիայի և Իրաքի սահմանամերձ որոշ տարածքները, ինչպես նաև գլոբալ ջիհադի հարթակները՝ արևմտյան երկրներն ու քաղաքները:
Սարգիս Գրիգորյան. Ֆեյսբուք: