Թուրքիայում լողավազանում էլեկտրական հոսանքի պատճառով հինգ մարդ մահացել է

Թուրքիայի հյուսիսում գտնվող Ակյազ քաղաքում հինգ մարդ է զոհվել էլեկտրական հոսանքի պատճառով: Այս մասին գրում է «Life.ru»-ն:

Հայտնի է, որ լողավազանում լողալիս են եղել երեք երեխաներ, որոնց օգնության են շտապել երկու մեծահասակներ: Արդյունքում 5-ն էլ զոհվել են:

Հայտնի է, որ մարդիկ միանգամից չեն մահացել: Նրանց տեղափոխել են հիվանդանոց, սակայն բժիշկներին նրանց կյանքը փրկել չի հաջողվել:

Ոստիկանությունը կատարում է նախաքննություն: