Հայտնի են բոլոր ժամանակների մեծագույն ֆիլմերի անունները

Հայտնի է դարձել կինոյի սիրահարների վարկածով բոլոր ժամանակների մեծագույն ֆիլմի անունը: Այս մասին գրում է Gazeta.ru-ն՝ հղում տալով «Empire»-ին: Ամսագրի հարցմանը մասնակցել է 20 000 մարդ: Նրանց համար առաջին հորիզոնականում է «Կնքահայրը» ֆիլմը, որը նկարահանվել է 1972 թվականին:

Երկրորդ հորիզոնականում է «Աստղային պատերազմներ. 5-րդ մաս-Կայսրությունը պատասխան հարված է հասցնում» ֆիլմը, որը նկարահանվել է 1980թ-ին:

Եռյակը եզրափակում է «Մութ ասպետ» ֆիլմը՝ 2008 թվականին նկարահանված:

Առաջին տասնյակում են հայտնվել նաև «Փախուստ Շոուշենկից», «Քրեական քերթվածք», «Աստղային պատերազմներ», «Մատանիների տիրակալը» ֆիլմերը:

2014 թվականին անցկացված հարցման արդյունքներով առաջին հորիզոնականում հենց «Աստղային պատերազմներն» էր:

2016թ-ինն Հարրի Փոթերի մասին ֆիլմերը գլխավորել էին լավագույն գրքային էկրանավորումների ցանկը: