Իրանում ՀՀ դեսպանությունը հայերին հորդորում է չայցելել Թեհրանի մարդաշատ վայրեր

Իրանի խորհրդարանի և Իմամ Խոմեյնու դամբարանի վրա հունիսի 7-ի առավոտյան տեղի ունեցած զինված հարձակումներով պայմանավորված ԻԻՀ-ում ՀՀ դեսպանությունը հորդորում է Իրանում գտնվող ՀՀ քաղաքացիներին զերծ մնալ իրավապահ մարմինների կողմից իրականացվող գործողությունների տարածքներ, մասնավորապես՝ Թեհրանի հարավային շրջաններ և մարդաշատ վայրեր (մետրո, շուկա և այլն) այցելություններից:

«Արտակարգ իրավիճակներում հայտնվելու պարագայում խնդրում ենք անհապաղ կապ հաստատել Իրանում Հայաստանի դեսպանության հետ (e-mail: [email protected] , հեռ.՝ (0098) 21 6670 4833, հասցե՝ Ջոմհուրի-ե Էսլամի պող., Ռազի պող., Օսթադ Շահրիյար փող., թիվ 32): Դեսպանությունը հետևում է իրադարձությունների ընթացքին: Անհրաժեշտության դեպքում կտրամադրվի լրացուցիչ տեղեկատվություն: Այս պահին տուժածների շրջանում ՀՀ քաղաքացիների, հայերի առկայության մասին տեղեկատվություն չկա»,- հայտնում են դեսպանությունից:

Ինչպես հայտնում են ՀՀ դեսպանությունից՝ այս պահին տուժածների շրջանում ՀՀ քաղաքացիների, հայերի առկայության մասին տեղեկատվություն չկա: