«The New Times»-ը փակվում է

«The New Times»-ի գլխավոր խմբագիր Եվգենիա Ալբացը հայտնել է ամսագրի փակման մասին: Այս մասին նա գրել է ֆեյսբուքյան իր էջում: Այս մասին հայտնում է Lenta.ru-ն:

Գրառման հետ նա հրապարակել է վերջին համարի շապիկի լուսանկարը, որում պատկերված են արտասվախառը փակ աչքեր, իսկ դրանց տակ գրված է. «Շնորհակալություն, որ մեզ հետ էիք»:

Մեկնաբանություններում լրագրողը հաստատել է, որ ամսագրի տպագիր տարբերակն իսկապես դադարեցնում է իր գոյությունը: «Գումարները վերջացել են, ահա այսպես»,- պատասխանել է Ալբացը հարցերից մեկին: Նա հավելել է, որ մանրամասները կարելի է կարդալ վերջին համարում, որը լույս կընծայվի հունիսի 5-ին՝ վաղը:

Ավելի ուշ Ալբացը մեկնաբանություններում պարզաբանել է, որ «The New Times»-ի կայքը շարունակելու է աշխատել: