Սերժ Թանկյանը պատրաստվում է Հայաստանում ռոք փառատոններ կազմակերպել
Ամերիկահայ ռոք երգիչ Սերժ Թանկյանը Հայաստանում ռոք փառատոններ կազմակերպելու մտադրություն ունի: Այս մասին հայտնում է « au.news»-ը:
«System of a Down»-ի մեներգիչ Թանկյանը նման ցանկություն է հայտնել «Ավրորայի» մրցանակաբաշխությունից հետո, որն օրերս անցկացվել էր Երևանում:
Ամենամյա մրցանակաբաշխության, որը կազմակերպվել է Հայոց ցեղասպանության 100-րդ տարելիցի կապակցությամբ, երկրորդ դափնեկիրը բժիշկ Թոմ Քաթինան էր, ում Թանկյանը շնորհավորեց հատուկ տեսաուղերձով:
Թանկյանը ծնվել է Լիբանանում: Նրա պապերը գոյատևել են թուրք քաղաքապետի և ամերիկյան միսիոներական որբանոցի շնորհիվ: Թանկյանը նշել է, որ շատ մարդիկ չեն կարողանում դասեր քաղել իրենց նախնիների սխալներից:
«Ես կարծում եմ, որ դա իրոք հիասթափեցնող է: Կան մարդիկ ովքեր տուժել են, կամ իրենց պապերն են տուժել և նրանց կյանքի դիրքորոշումը դարձել է միանշանակ եսասիրությունը: Դա երևում է այն բանից, թե ինչպես են նրանք ապրում իրենց կյանքը, ինչպես են ծախսում գումարները»,- ասել է Թանկյանը:
Նա ցանկություն է հայտնել ներգրավվել Հայաստանի ոչ միայն սոցիալականա և քաղաքական, այլև մշակութային կյանքում և արվեստում:
«Ես կցանկանայի ավելին անել Հայաստանի համար, օրինակ՝ երաժշտական փառատոններ կազմակերպել: Ինքս էլ շատ եմ ուզում միջազգային մասշտաբի երաժշտական փառատոն կազմակերպել»,- ասել է երաժիշտը: