Ուկրաինայում «Facebook»-ով երաժշտություն լսելու ծրագիր են ստեղծել

Ուկրաինացի ծրագրավորող Դմիտրի Անդրեևը ծրագիր է ստեղծել, որը թույլ է տալիս երաժշտություն լսել «Facebook»-ում՝ «ВКонтакте» սոցկայքի նմանությամբ: Այս մասին գրում է Gazeta.ru-ն՝ հղում տալով «5 канал»-ին: 

Նրա խոսքով՝ «Facebook Spotifier»-ը թույլ է տալիս երաժշտություն լսել «Spotify»-ի անձնական էջերից ուղիղ «Facebook»-ի միջոցով: Այսինքն սկզբից պետք է էջ ստեղծել «Spotify»-ում:

Ծրագրում նույնիսկ հնարավորություն կա, որը թույլ է տալիս «Facebook»-ի դիզայնն ավելի նման դարձնել «ВКонтакте»-ին:

Նշվում է, որ հավելվածը դեռևս աշխատում է միայն «Google Chrome»-ում, սակայն ծրագրավորողները խոստանում են, որ մոտ ժամանակներս այն հասանելի կլինի նաև «Opera»-ի և «Firefox»-ի համար:

Մայիսի 16-ից Ուկրաինայի նախագահ Պյոտր Պորոշենկոն հրամանագիր է ստորագրել, որով երկրում արգելվել են մի շարք ռուսական սոցկայքեր: