Թրամփին ծաղրել են սխալ ամերիկյան դրոշ օգտագործելու համար

Համացանցում ուշադրություն են դարձել ԱՄՆ նախագահ Դոնալդ Թրամփի գրառման վրա, որը նվիրված էր նրա կին Մելանյա Թրամփի ծննդյան տարեդարձին: «Twitter»-ի օգտատերերին զվարճացրել է ամերիկյան սխալ դրոշի նկարը, որում 50 աստղի փոխարեն պատկերված է միայն 39-ը: Այս մասին գրում է Lenta.ru-ն:

Սոցկայքերում ծաղրել են Սպիտակ տան ղեկավարին՝ նշելով, որ 39 նահանգներն ԱՄՆ-ի կազմում են եղել հեռավոր 1889 թվականին: «Համենայն դեպս, այժմ մենք կարող ենք հասկանալ. նա կարծում է, թե Ամերիկան գերտերություն է եղել 1889թ-ին»,- նշել է օգտատերերից մեկը:

Որոշ օգտատերեր սկսել են անթաքույց կերպով մեղադրել Թրամփին անիրազեկության մեջ: «Ես գիտեմ, որ Սպիտակ տանը մանրուքներին ուշադրություն չեն դարձնում, սակայն միգուցե նա, ով չի կարողանում աստղեր հաշվել, չպե՞տք է զբաղվի առողջապահությամբ ր հարկերով»,- նշել է «SocialSeerCom» մականունով օգտատերը: