«ԻՊ»-ն ստանձնել է Ելիսեյան դաշտերում հարձակման պատասխանատվությունը

«Իսլամական պետություն» ահաբեկչական խմբավորումը ստանձնել է Փարիզի Ելիսեյան դաշտերում ուրբաթ տեղի ունեցած փոխհրաձգության պատասխանատվությունը: Այս մասին գրում է «Interfax.ru»-ն՝ հղում տալով «Associated Press»-ին:

Հաղորդվում է, որ հարձակումից հետո «ԻՊ»-ն տեղեկություն է տարածել այն մասին, որ հարձակումն իրականացրել է Բելգիայից մի ահաբեկիչ:

«CNN» հեռուստաալիքը, հղում տալով հետաքննությանը մոտ կանգնած աղբյուրներին, հաղորդում է, որ հրաձիգը հայտնի է եղել Ֆրանսիայի անվտանգության ծառայություններին՝ կապված ծայրահեղ իսլամական գործունեությամբ:

Աղբյուրը մանրամասնում է, որ ֆրանսիացի քննիչները դեպքը ահաբեկչական հարձակում են որակավորում: 

Ֆրանսիայի ՆԳՆ-ի տվյալներով՝ փոխհրաձգության ընթացքում 1 ոստիկան զոհվել է, 2-ը վիրավորվել են: Հարձակվողը սպանվել է: