Քիմ Քարդաշյանը համաձայնել է վիրահատվել, որպեսզի երրորդ երեխան ունենա
Քիմ Քարդաշյանը զարմացրել է ոչ միայն Քրիս Ջեններին՝ իր մորը մարմնավորելով: Քանյե Ուեսթի կինը դեռևս ցանկանում է մեծացնել իր ընտանիքը և միջոց է գտել իր մտադրությունն իրագործելու համար: «Քարդաշյանների ընտանիքը» ռեալիթի-շոուի սերիաներից մեկում 36-ամյա հեռուստաաստղը բարեկամներին բացատրում է, որ պատրաստ է վիրահատության դիմել, որպեսզի երրորդ անգամ երեխա լույս աշխարհ բերի: Այս մասին գրում է Spletnik.ru-ն:
«Պետք է համաձայնեմ վիրահատել արգանդս, քանի որ որոշել եմ ևս մեկ երեխա ունենալ: Մի՞թե դա լավ չէ»,- ասել է Քիմը մորն ու քույրերին ճաշի ընթացքում:
Նրա հարազատները վախեցած են ընդունել վիրահատական միջամտության մասին լուրը, իսկ Քլոեն խնդրել է մանրամասն բացատրել, թե ինչ է կատարվում:
«Հղիություննը, միևնույնն է, վտանգավոր է լինելու, սակայն ես շանս կունենամ հղիանալու: Ինձ պայքար է սպասում: Այս վիրահատությունն իսկապես վերջին բանը կլինի, որ ես կարող եմ փորձել անել»,- նշել է Քիմը: