Արծվիկը, հնարավոր է, «Եվրատեսիլը» տանի Հայաստան. The Huffington Post-ի անդրադարձը (տեսանյութեր)

Ամերիկյան հայտնի The Huffington Post պարբերականն անդրադարձել է «Եվրատեսիլ 2017» երաժշտական մրցույթին Հայաստանի ներկայացուցչին:

Պարբերականը, մասնավորապես, գրել է. ««Հայաստանը միշտ հրաշալի մասնակիցներ է ուղարկում «Եվրատեսիլ», այս տարին նույնպես բացառություն չէ։ «Դեպի Եվրատեսիլ» նախագծի հաղթող Արծվիկը, հնարավոր է, «Եվրատեսիլը» տանի Հայաստան»:

The Huffington Post-ը, անդրադառնալով Արծվիկի կատարած երգերին, առանձնացրել է երգչուհու եզրափակչի ելույթը (Ուիթնի Հյուսթոն - «I Have Nothing»), և հավելել, որ «ճիշտ ընտրված երգն ու բեմադրությունը նրան իսկապես կարող են հասցնել մրցույթի առաջին հորիզոնական»:

Պարբերականը տեղադրել է նաև Արծվիկի և Մարգարիտա Պողոսյանի համատեղ կատարումը՚ առաջարկելով լսել տաղանդավոր երգչուհու աշխատանքը:

Նշենք, որ այս տարի «Եվրատեսիլ» երաժշտական ամենամյա մրցույթը կկայանա մայիսի 9-ին, 11-ին և 13-ին Կիևում: