Ողբերգական ավտովթար Ռուսաստանում. երեխաներ են զոհվել (տեսանյութ)

Մոսկվայի հարավարևելյան արվարձանում ողբերգական ավտովթար է տեղի ունեցել, որի հետևանքով 3 երեխա տեղում մահացել են, իսկ մեկը՝ ծանր վիճակում տեղափոխվել է հիվանդանոց: Այս մասին գրում է Ren.tv-ին: 

Gazeta.ru-ի փոխանցմամբ  «Գազել» և «Ռենո» մակնիշի ավտոմեքենաները բախվել են միմյանց, ինչի հետևանքով էլ մահացել են երեխաները: 

Իսկ РИА Новости-ն, հղում տալով Ռուսաստանի արտակարգ իրավիճակների տարածած հաղորդագրությանը, նշում է, որ զոհերը չորսն են՝ 3 երեխա և մեկ չափահաս, իսկ երեխաները գտնվել են ոչ թե «Ռենո», այլ  «ՎԱԶ -2109» մակնիշի մեքենայի մեջ: Հարվածի հետևանքով դժվար է եղել միանգամից տարբերել մեքենայի մակնիշը:

Երեխաներն իրենց մարզիչի հետ գնում էին բռնցքամարտի մրցումներին մասնակցելու: Նրանք 12-13 տարեկան էին: