Մահացել է միլիարդատեր Դևիդ Ռոքֆելլերը

Ամերիկացի միլիարդատեր Դևիդ Ռոքֆելլերը մահացել է 101 տարեկանում: Այս մասին գրում է «Дождь» հեռուստաընկերությունը՝ հղում տալով «The New York Times»-ին:

Գործարարը մահացել է այսօր առավոտյան Նյու Յորքի իր առանձնատանը: Դևիդ Ռոքֆելլերը տարիքով ամենամեծ միլիարդատերն էր «Forbes» ամսագրի ցուցակում: 101-ամյա բիզնեսմենի ունեցվածքն ամսագիրը գնահատում էր 3.3 միլիարդ դոլար:

Նա Ռոքֆելլեր մեծի վերջին կենդանի թոռն էր՝ ամերիկացի առաջին միլիարդատիրոջ և «Standard Oil» նավթային ընկերության հիմնադրի:

Ռոքֆելլերն ահռելի ազդեցություն ուներ ողջ աշխարհում, առավել քան 10 տարի ղեկավարում էր «Chase Manhatta»-ն: