Դոնալդ Թրամփի նախկին կինը՝ իրենց ամուսնության, դավաճանության և բաժանման մասին (լուսանկարներ)

ԱՄՆ նախագահ Դոնալդ Թրամփի նախկին կին Իվանա Թրամփը New York Post-ին տված հարցազրույցում  բավական անկեղծ պատմել է Դոնալդի հետ ունեցած հարաբերությունների մասին: Այս մասին գրում է Spletnik.ru-ն:

67-ամյա Թրամփն ասում է, որ Դոնալդը վաղուց է ցանկացել ԱՄՆ-ում մասնակցել նախագահական ընտրություններին, սակայն վերջինիս այդ մտադրությանը խանգարել է ամուսնական դավաճանությունը:

«Մեր ամուսնալուծությունից 5 տարի առաջ նա Ռեյգանից, թե որևէ այլ մեկից նամակ է ստանում, ով իրեն գրել էր՝ «Դու պետք է նախագահական ընտրություններին թեկնածությունդ դնես»: Նա լրջորեն մտածում էր այդ մասին: Բայց այդ ժամանակ սկանդալ բարձրացավ, ապահարզան: Ամերիկուհիներն ինձ սիրեցին, իսկ նրան ատեցին: Դա այն ժամանակը չէր, որպեսզի փորձեր իրեն քաղաքականությունում: Բայց այդ պահից սկսած նա այդ գաղափարից չէր բաժանվում»,- պատմել է տիկին Թրամփը:

Իվանան այդ խոսքերով նկատի ուներ 1991 թ.-ին տեղի ունեցած դեպքերը, որոնք հանգեցրին ամուսնական զույգի բաժանմանը: Թրամփը դավաճանեց կնոջը դերասանուհի և գեղեցկության մրցույթների մասնակից Մարլա Մեյփլզի հետ: 

Իվանան և Դոնալդը ամուսնացած են եղել 1977 թ.-ից և ունեն 3 զավակ՝ Դոնալդ կրտսերը, Իվանկան և Էրիկը: Ամուսնալուծությունից հետո Թրամփն ամուսնացավ Մարլա Մեյփլզի հետ, սակայն այդ ամուսնությունը տևեց ընդամենը 6 տարի:

Իվանա Թրամփն ասում է, որ Մարլան իրենից ներողություն է խնդրել:

«Նա ներողություն է խնդրել ինձանից Daily Mail-ին տված հարցազրույցում: Լրագրողները հետո հարցրին ինձ, թե ընդունել եմ արդյոք այն, և ես ասացի, որ չեմ ընդունել: Ինչո՞ւ պետք է ընդունեի: Նա կործանեց իմ ամուսնությունը»,- նշել է նա:

Ինչ վերաբերում է Դոնալդի ներկայիս կնոջը, ապա Իվանան կարծում է, որ Մելանյան հրաշալի առաջին տիկին կարող է լինել:

Այժմ՝ մոտ 25 տարի անց, Դոնալդն ու Իվանան շարունակում են իրենց շփումը:

«Մենք զրուցում ենք իր ելույթներից առաջ և հետո, նա հարցնում է իմ կարծիքը: Ես խորհուրդ եմ տալիս իրեն ավելի հանգիստ լինել: Բայց Դոնալդն այդպես չի կարող, նա ասում է այն, ինչ մտածում է: Նա քաղաքական գործիչ չէ, այլ բիզնեսմեն»,- ասել է Իվանան:

Իվանայի խոսքով՝ նա կիսում է նախկին ամուսնու որոշ գաղափարներ և որպես օրինակ բերում է ներգաղթյալների հարցը:

«Ես ինքս ներգաղթյալ եմ և մեքսիկացիների դեմ որևէ բան չունեմ: Սակայն լինում է, որ 19-ամյա հղի աղջիկը տեղափոխվում է այստեղ, ամերիկյան հիվանդանոցներից մեկում լույս աշխարհ է բերում իր երեխային, ով ամերիկացի է դառնում: Աղջիկը այստեղ է բերում իր ամբողջ ընտանիքը, չի աշխատում, հարկեր չի վճարում: Նրան տալիս են սնունդ, կացարան: Իսկ ո՞վ է դրա համար վճարում: Մենք: Բայց ես դեմ չեմ, որպեսզի մարդիկ օրինական ճանապարհով են գալիս, աշխատանք գտնում: Մեզ պետք են ներգաղթյալներ: Ո՞վ կմաքրի մեր հյուրասենյակները և մեր հետևից կհավաքի: Ամերիկացիները դա անել չեն սիրում»,- ասել է Դոնալդ Թրամփի նախկին կինը: