Թուրքիայում նոր երկրաշարժ է գրանցվել

Փետրվարի 7-ին Թուրքիայի արևմտյան Չանաքալե նահանգում 5,2 մագնիտուտ հզորությամբ երկրաշարժ է գրանցվել: Այս մասին գրում է Regnum պորտալը՝ հղում անելով Anadolu-ին:

«Երկրաշարժի էպիկենտրոնը, որը գրանցվել է տեղական ժամանակով 02,24-ին,  Էգեյան ծովում է եղել՝ Այվաջիկ շրջանի ափերի մոտակայքում»,- նշում է պարբերականը:

Ներկայումս տեղական իշխանությունները պարզում են երկրաշարժի հետևանքով եղած փլուզումների և տուժածների մասին տեղեկությունը:

Ցունամու վտանգ չի հայտարարվել: