Կամուֆլյաժ հագնելը դեռ չի նշանակում, որ կարող ես ենթադրություններ անել ու «պատվավոր» կարծիք հայտնել բանակի մասին

Ամենալավ ռազմագետն ու ստրագետը, դա տվյալ տեղանքում կռված զինվորն ու սպան է : Մնացածի ասածն ինձ համար բառակույտ է, որն ունի գեղեցիկ շարահյուսություն, բայց զուրկ է իրականությունից:

Քարտեզով դու չես կարող ասել, թե որտեղ քար ու քարանձավ կա, որտեղ է գետը խոր, որտեղ ծանծաղ, քարտեզով դու չես կարող ասել թե գիշերը լուսնի շողը որ կողմին է ընկնում, որ կողմին՝ ոչ, որ կողմ գնալ, որ քամին թշնամու կողմից լինի ու ձայները քեզ հասցնի:

Իսկական ստրագետն ու ռազմագետը նա չէ, ով մի քանի անգամ դիրք է բարձրանում ու պատկերացնում է թե ամեն բան գիտի արդեն: Իսկական ռազմագետն ու ստրագետն այն զինվորն ու սպան է, ով անձամբ է փորել բլինդաժը, դիրքը, անձամբ է տեղանքն ուսումնասիրել, օրերով ու շաբաթներով տեղանքի դիտարկում իրականացրել, գիտի, թե եղնիկը որ ծառի արանքով է անցնում, թշնամին որ քարի տակն է թաքնվում:

Մի խոսքով, կամուֆլյաժ հագնելը դեռ չի նշանակում, որ կարող ես ենթադրություններ անել ու «պատվավոր» կարծիք հայտնել բանակի մասին և ընդհանրապես բանակի թերությունների և առավելությունների, հաղթանակների ու պարտությունների մասին:

Կարեն Հովհաննիսյան. Ֆեյսբուք