Ջասթին Թիմբերլեյքն ու Բրիթնի Սիփիրսը «People's Choice»-ի մրցանակներին են արժանացել

Լոս Անջելեսում «People's Choice» մրցանակաբաշխության արարողության ժամանակ սիրված արտիստ է ճանաչվել Ջասթին Թիմբերլեյքը, սիրված արտիստուհի՝ Բրիթնի Սփիրսը: Այս մասին գրում է Gazeta.ru-ն՝ հղում անելով People-ին:

Հանդիսականների քվեարկությամբ սիրված խումբ է ճանաչվել «Fifth Harmony»-ն: Հանդիսատեսի գնահատմամբ՝ լավագույն ճեղքումն արել է Նայլ Հորանը:

Բլեյք Շելթոնն ու Քերրի Անդերվուդը ճանաչվել են քանթրի երաժշտության ժանրում ավագույն արտիստները, իսկ «Little Big Town» խումբը՝ լավագույն քանթրի խումբը: Շելթոնը նույնպես մրցանակ է ստացել «Սիրված ալբոմ» անվանակարգում:

Սփիրսը ստացել է «Ժողովրդի ընտրություն» և «Սիրված փոփ-արտիս» մրցանակները: Հիփ-հոփ ժանրում մրցանակ է ստացել  G-Eazy երաժիշտը, R&B ժանրում՝ Ռիհաննան:

Ջասթին Թիմբերլեյքը ևս մեկ մրցանակ է ստացել «Սիրված երգ» անվանակարգում իր «Can't Stop the Feeling» ստեղծագործության շնորհիվ: