Թուրքիայում աշակերտական ավտոբուս է կողաշրջվել. տուժածներ կան

Թուրքական Կոնիա նահանգում 44 աշակերտ տեղափոխող ավտոբուսը ավտովթարի հետևանքով կողաշրջվել է։ Երկու մարդ է մահացել։ Այս մասին հաղորդում է Gazeta.ru-ն՝ հղում անելով Daily Sabah-ին։

Աշակերտներից 42-ը տարբեր վնասվածքներով հոսպիտալացվել են։ Ավտովթարը տեղի է ունեցել հունվարի 6-ի առավոտյան ճանապարհի մերկասառույցի պատճառով։

«Ավտոբուսը սկսեց սահել և թեքվեց։ Ամեն ինչ շրջվել էր։ Ինձ վրա 3-4 մարդ էր ընկել»,- պատմել է ավտովթարից թեթև տրավմաներ ստացած Դիլյարա Պոյրազը։

Հաղորդվում է, որ ավտոբուսը վարձել էին աշակերտների ծնողները։