Իզմիրում պայթյուն է տեղի ունեցել (լուսանկարներ)

Թուրքական Իզմիր քաղաքում՝ երկրի արևմուտքում, պայթյուն է տեղի ունեցել: Այս մասին գրում է Gazeta.ru-ն՝ հղում տալով «CNN Turk»-ին:

Ինչպես հաղորդվում է, պատահարը տեղի է ունեցել դատարանի շենքի մոտակայքում, իսկ պայթյունի վայրում ավտոմեքենա է այրվում: Առնվազն երեք մարդ տուժել է:

Զոհերի մասին տեղեկություններ չեն հաղորդվել: Դեպքի վայր են ուղարկվել շտապ օգնության ջոկատներ:

Դեռևս ոչ մի խմբավորում իր վրա չի վերցրել տեղի ունեցածի պատասխանատվությունը: