2017 թվականի նորաձևության թրենդները (լուսանկարներ)
Ի տարբերության անցյալ տարվա` գալիք տարվա նորաձևությունը չի պարտադրում արհեստական ծաղկածածկույթ: Ժամանակակից ծաղիկները շատ նրբաճաշակ են և դուր կգան անգամ ամենախստապահանջ մարդուն: Նորաձևության տները այս տարի նորաձև են համարում հետևյալ գույները`
• Հրե գույներ (կարմիրի երանգները),
• Ալ կարմիր,
• Նարնջագույն,
• Դեղին,
• Անանուխի երանգ,
• Կաթնագույն,
• Կապույտի բոլոր երանգները,
• Կանաչի բոլոր տեսակները:
Սևն ու սպիտակը մշտապես նորաձև ու թրենդային են և համատեղվում են նշված գույների հետ: Սպիտակի տարբեր երանգները` ճերմակից մինչև կաթնագույն և արծաթագույն ու դրանց համադրումն այլ գույների հետ խիստ խրախուսելի է:
Հագուստի վրայի պատկերները այս տարի ևս նորաձև են: Նախապատվություն կարելի է տալ էթնիկ խորհրդանիշերով նախշերին: Արևելյան մոտիվները նորաձևության գագաթնակետն են համարվում, ուստի ազգային նախշերը Ձեր հագուստի վրա կդիտվեն շատ նորաձև և թրենդային:
Արդեն մի քանի տարի շարունակ ավանգարդը չի զիջում իր դիրքերը նորաձևության աշխարհում: Այս տարի նրան գումարվել է հռչակավոր նկարիչների գործերի պատկերումը հագուստի վրա: Սա նորաձևության և արվեստի յուրահատուկ համադրություն է:
2017թ.-ին նորաձև կլնի նաև նրբագեղ ժանյակը` լայն բացվածքով, ալիքաձև դարսերով: Այսպիսի զգեստները հատկապես գեղեցիկ կդիտվեն բարոկկո ոճում:
Այս տարվա գլխավոր թրենդներից է զոլավոր գործվածքից կարված զգեստը: Այն առկա է համաշխարհային հռչակ ունեցող գրեթե բոլոր դիզայներների հավաքածուներում` տաբատներ, զգստներ, բլուզներ, պիջակներ և այլն:
Այս տարի դիզայներները նորաձև են համարում նաև վագրային նախշը: Նախընտրելի է, որ այն դրսևորվի վերարկուի տեսքով, իսկ զգեստը հարկ է կրել ծայրահեղ անհրաժեշտության դեպքում, եթե այն կրողը կարողանա զգեստը յուրօրինակ հմայքով մատուցել: