«Dior»-ը իր հագուստի արտադրանքի վերաբերյալ գրքերի ժողովածու կհրատարակի
Հաջորդ տարի «Dior» նորաձևության տունը տոնելու է իր 70-ամյակը այն օրից, ինչ կայացել է նրա առաջին ցուցադրությունը: Այդ ժամանակ՝ 1947 թ.-ին, հավաքածուն, որը հետագայում կոչվեց «New Look», ողջ աշխարհի համար բացահայտեց մոդելավորող Քրիստիան Դիորին:
Տոնակատարությունը անկասկած կուղեկցվի մի շարք միջոցառումներով, այդ թվում` հագուստի հավաքածուների արտադրանքի մասին պատմող մի շարք գրքերի լույս ընծայմամբ: Ընդհանուր առմամբ լույս կտեսնի յոթ գրիք, որոնցից յուրաքանչյուրը նվիրված է կոնկրետ դիզայների, ով գլխավորել է նորաձևության տունը որոշակի ժամանակահատվածում:
Այսպիսով, կհրատարակվեն Իվ Սեն-Լորանի, Մարկ Բոանի, Ջանֆրանկո Ֆեռեի, Ջոն Գալյանոյի, Ռաֆա Սիմոնսի և Մարիա Գրացիա Կյուրիի մասին պատմող գրքեր. վերջինս կներկայացնի իր առաջին հավաքածուն որպես բրենդի ստեղծագործական տնօրեն հաջորդ տարվա հունվարին Փարիզում:
Առաջին գիրքը, որը կանդրադառնա «Dior»-ի գործունեությանը իր հիմնադրի գլխավորությամբ, վաճառքի կհանվի դեկտեմբերի 9-ին՝ երեք լեզուներով` ֆրանսերեն, անգլերեն և չինարեն: Գինը կլինի 195 դոլար: