Մի շարք ստորաբաժանումներ կաշխատեն հատուկ ռեժիմով
ՀՀ Կառավարության որոշման համաձայն՝ նոյեմբերի 16-ից կմեկնարկի ՀՀ միջպետական և հանրապետական նշանակության ավտոճանապարհների ընթացիկ ձմեռային պահպանման շրջանը:
Նոյեմբերի 15-ին ՀՀ տրանսպորտի, կապի և տեղեկատվական տեխնոլոգիաների նախարարությունում անցկացված գործակարգավարական խորհրդակցության ընթացքում նախարար Վահան Մարտիրոսյանը խիստ հանձնարարական է տվել, որ առաջին իսկ տեղումների դեպքում, անկախ օրվա ժամից, ճանապարհների մաքրման և աղ ու ավազով մշակման աշխատանքները տարվեն անհապաղ, այդ թվում և´ գիշերային ժամերին` չսպասելով լուսաբացին: