Ես խոստանում եմ լինել այս մեծ երկրում ապրող բոլոր ամերիկացիների նախագահը. Թրամփ

Դոնալդ Թրամպը ԱՄՆ նախագահական ընտրությունների ավարտից հետո կայացած իր առաջին ելույթի ժամանակ  խոստացել է բոլոր ամերիկացիների նախագահը լինել:

Նա խնդրել է, որ բոլոր նրանք, ովքեր իր դեմ են քվեարկել, աջակցեն իրեն այս դժվարին ճանապարհին:

«Ես խոստանում եմ  լինել այս մեծ երկրում ապրող բոլոր ամերիկացիների նախագահը», - ասել է նորընտիր նախագահը:

Նա նաև պատրաստակամություն է հայտնել համագործակցել երկրի քաղաքական ընդդիմության հետ:

Թրամփը նշել է, որ կիրագործի ամերիկյան երազանքը: Նա հայտարարել է, որ մտադիր է վերակառուցել ԱՄՆ-ի ենթակառուցվածքները, բացել միլիոնավոր նոր աշխատատեղեր՝ հավելելով, որ ամերիկացիների համար ավելի պայծառ ապագա է ցանկանում ստեղծել :

«Խոստանում եմ՝ ձեզ հուսախաբ չեմ անի, ես սիրում եմ այս երկիրը»:

Հավելենք, որ Թրամփի ելույթի ավարտին հնչել է The Rolling Stones հայտնի խմբի «You Can't Always Get What You Want» երգը: