Ստամբուլի գիշերային ակումբում պայթյուն է տեղի ունեցել. կան վիրավորներ

Ստամբուլի Չաղլայանի շրջանում պայթյուն է տեղի ունեցել, որի հետևանքով տուժածներ կան: Այս մասին գրում է Gazeta.ru-ն՝ հղում տալով Hurriet-ին:

Նշվում է, որ պայթյունը տեղի է ունեցել  գիշերային ակումբում: Դիմակավորված անձինք մոտեցել են ակումբին և նռնակ նետել  դեպի այն:

Հանցագործները փախել են: Տուժածներին անմիջապես տեղափոխել են հիվանդանոց: Ոստիկանությունը հետաքննում է միջադեպի պատճառները: