Դի Կապրիոն ընկերուհու հետ ավտովթարի է ենթարկվել

Դերասան Լեոնարդո Դի Կապրիոն և իր ընկերուհին՝ մոդել Նինա Ագդալը, ավտովթարի են ենթարկվել Նյու Յորքում՝ Համփթոնս քաղաքում: Այս մասին գրում է Gazeta.ru-ն՝ հղում տալով «Page Six»-ին:

Օսկարակիր դերասանը մոդելի հետ «Range Rover» մեքենայով երթևեկելիս է եղել, երբ օգոստոսի 20-ին՝ ժամը 16:30-ին, նրանց է հարվածել «Mini Cooper» ավտոմեքենայի կին վարորդը:

Ճանապարհատրանսպորտային պատահարի ականատեսի խոսքով՝ դերասանը սկզբից ստուգել է, թե արդյոք ամեն ինչ կարգին է իր ընկերուհու հետ, իսկ դրանից հետո մոտեցել մյուս ավտոմեքենային և օգնել կնոջը դուրս գալ մեքենայից:

Դերասանը ոստիկանություն է կանչել: Շտապօգնության ավտոմեքենան նույնպես դեպքի վայր է ժամանել, սակայն ոչ ոք չի տուժել:

Դի Կապրիոյի «Range Rover»-ը գրեթե չի վնասվել, իսկ ահա կնոջ մեքենան պետք է վերանորոգման տրվի: