Ադրբեջանում ձերբակալվել է «Կույր Էլչին» մականունով հայտնի նարկոբարոնը (լուսանկարներ)

Ադրբեջանի Բալաքենի շրջանի ոստիկանությունը ձերբակալել է քրեական աշխարհում «Կույր Էլչին» մականունով հայտնի 35-ամյա նարկոբարոն Էլչին Ալվասովին: Այս մասին գրում է ԱՊԱ գործակալությունը:

Նշվում է, որ  նարկոբարոնի ձերբակալության ընթացքում խուզարկում է իրականացվել Գազմա գյուղի բնակիչ Էլչին Ալվասովի տանը, ում երկար ժամանակ հաջողվել է փախչել պատասխանատվությունից: Հետախուզության ժամանակ հայտնաբերված իրերն առգրավվել և կցվել են գործին՝ որպես նյութական ապացույց:

Հայտնաբերվել է 1150 գրամ մարիխուաննա, որսորդական հրացանի 12 մմ 4 փամփուշտ, գիշերային տեսանելիության իրեր, բջջային հեռախոս, «սիմ» քարտ, երկու նոութբուք, բանկերի կողմից հետախուզման մեջ գտնվող «Lexus», «BMW», «Mercedes» և «ВАЗ 21015» մակնիշի մեքենաներ, ինչպես նաև տարբեր պետությունների մեքենաների համարանիշեր: 

Նշենք, որ իր գործունեությամբ նա նաև հայտնի է Ռուսաստանում և Վրաստանում:

«Կույր Էլչին» ձերբակալվել է: Փաստի առթիվ հետաքննությունը շարունակվում է: