Ողբերգական վթար՝ Ղրիմում. ավտոբուսն ընկել է ձորը. կան զոհեր (տեսանյութեր)

Ղրիմում ողբերգական դեպք է տեղի ունեցել: Մարդատար ավտոբուսը վթարի է ենթարկվել, որի հետևանքով այս պահին կա 6 զոհ, ավելի քան 20 մարդ վնասվածք է ստացել: ԱԻՆ-ի հաղորդագրության համաձայն՝ ավտոբուսը դեռևս չպարզված հանգամանքներում ընկել է ձորը՝ մոտ 50 մետր խորությամբ : Ոստիկանական գերատեսչությունը հաղորդում է, որ զոհերի թիվը հասել է 6-ի: Այս մասին գրում է «РИА Новости» գործակալությունը:

Հաղորդագրություն էր տարածվել, որ զոհերի թիվը հասել է 7-ի, սակայն առողջապահության նախարարությունը դեռևս չի հաստատել այս լուրը: 16 ուղևորներ հոսպիտալացվել են:

Դեպքի վայրում աշխատում են փրկարարները, բժիշկներն ու քննչական օրգանների ներկայացուցիչները: Պարզվում են վթարի պատճառոները: Ըստ վարկածներից մեկի՝ վարորդը չի կարողացել շրջադարձի ժամանակ կառավարել ավտոբուսը: