Մեր միջից հայի տեսակն է պակասել. Ազատ Աբրահամյան

Երգիչ, բանաստեղծ Ազատ Աբրահամյանը ֆեյսբուքյան իր էջում գրել է.

«Հայի տեսակ է, որ հալածվել ու մեկուսացվել, ճնշվել ու արհամարհվել է, սեղմվե՜լ՝ էս հող ու ջրի պես մի բուռ է մնացել, բայց մի ամբողջ հինավուրց ժողովրդի անպարտելիություն է խորհրդանշում: Այդ տեսակն է հարկավոր պահել-պահպանել:

Նյութապաշտ ենք դարձել, դրա համար էլ հա՜ կորցնում ու կորցնում ենք: Դիմակներից անդին՝ ինքնախոստովանության լուռ փսփսոցներով մեղքերից չեն ազատվում:

Շանտղի ճիշտն ասելը՝ շանտղություն չի, ճշտի լեզվով սուտ խոսելն ու խաբելն է ( ... ) - տղություն:

Մեկ-մեկ ասում եմ՝ նույնիսկ, եթե ինձ անիծողներ եմ ունեցել (չգիտեմ ), օրհնողների պակաս էլ երբևէ չեմ զգացել. «մերձավորնե՜ր», էսքան անեծքների մեջ բա մեղք չե՞ք դուք, այ մարդ... Իրականում, ոչինչ բարդ չէ: Բարդ ենք՝ ինքներս, որովհետև մեր միջից հայի տեսակն է պակասել: Այդ տեսակն է հարկավոր պահել-պահպանել»: