Քիմ Քարդաշյանն իր մասին խաղերից 45 միլիոն դոլար է վաստակել (լուսանկար)

Հայազգի հեռուստաաստղ Քիմ Քարդաշյանը 45 միլիոն դոլար է աշխատել իր մասին խաղից: Այս մասին գրում է Lenta.ru-ն՝ հղում տալով հեղինակավոր «Forbes»-ին:

Քիմ Քարդաշյանի «բջջային կայսրության» մեջ են մտնում նաև սեփական կայքերն ու հավելվածները:

Քարդաշյանը նշել է, որ տեսախաղերն ու բջջային տեխնոլոգիաները նոր փուլ են իր կարիերայում: «Երբ մարդիկ նայում են ինձ, նրանք մտածում են. «Ինչո՞ւ է նա ներխուժում տեխնոլոգիաների աշխարհ: Դա նրա տարածքը չէ: Վերադարձի՛ր ռեալիթի-շոու»: Իսկ ես պատասխանում եմ. «Ոչ: Դա ինձ համար շատ հետաքրքիր է»»:

Հեռուստաաստղը հավելել է, որ չի նախատեսում կանգ առնել գրանցած հաջողությունների վրա:

«Ինձ դուր էին գալիս տեսախաղերը, երբ ես դեռ փոքր էի: Եվ ինձ հետաքրքիր է, արդյո՞ք մարդիկ կընդօրինակեն ինձ»,- հայտնել է Քարդաշյանը:

«Forbes»-ի իր լուսանկարը Քիմը հրապարակել է Instagram-ի իր էջում:

 

Фото опубликовано Kim Kardashian West (@kimkardashian) Июл 11 2016 в 8:16 PDT