«Yerevan Color Run». ամփոփվեցին երևանյան գունավոր վազքի արդյունքները (տեսանյութեր և լուսանկարներ)
Ինչպես արդեն տեղեկացրել էինք այսօր՝ հուլիսի 9-ին՝ 07:00-ից, մեկնարկել է «Yerevan Color Run»-ը: Այն վազք-զվարճանք է, որը կազմակերպվում է աշխարհի շատ երկրներում ներառյալ Ռուսաստանում, ԱՄՆ-ում, Ավստրալիայում, Բրազիլիայում, Կանադայում, Չիլիում, Չինաստանում, իսկ 2015թ.-ից՝ արդեն Հայաստանում: Նշենք նաև, որ միջոցառումը բարեգործական է և «Yerevan Color Run»-ի նպատակներից մեկը Գյումրիում անօթևան երեխաներին օգնելն է: «Yerevan Color Run» գունազարդ վազքից ստացված միջոցների մի մասն ուղղվելու է ամենակարևորին և առաջնայինին՝ ապահովել անօթևան ընտանիքներին սննդով, հիգիենայի պարագաներով և հագուստով:
Վաղ առավոտյան բոլոր մասնակիցները հանդիպեցին Մարզահամերգային համալիրի տարածքում, 08:30 սկսվեց ֆիթնես նախավարժանքը, որի միջոցով մասնակիցները տաքացրեցին մկանները և պատրաստվեցին ամենասպասված մեկնարկին:
09:00 մեկնարեց վազքը: Վազքուղին տարածվում էր Մարզահամերգային համալիրի հարակից հատվածից մինչև Իսակովի պողոտան Լենինգրադյան փողոցին կապող հատվածը: Վազքուղու ամբողջ ընթացքում մասնակիցների վրա ոտքից գլուխ լցվեցին գունավոր և բացարձակ անվնաս փոշեներկեր:
10:00 սկսվեց լավագույն վազողների պարգևատրումը, և քանի որ սա զվարճալի վազք է՝ մասնակիցների արդյունքները չեն չափվել, բայց, այնուամենայնիվ, վազքուղին առաջինն անցած երեք տղաները և աղջիկները պարգևավատրվեցին մրցանակներով:
Կազմակերպիչների խոսքով՝ արդեն 2-րդ տարին է իրականացվում է այս ծրագիրը Հայաստանում, որի համար նրանք ուրախ են, քանի որ ծրագիրը տալիս է դրական արդյունք և առավել ուշագարավ է այն փաստը, որ միջոցառումը բարեգործական է:
Վազքից հետո տիրում էր բարձր տրամադրություն, հնչում էր բարձր երաժշտություն, պար և գունազարդ հրավառություն:
Վազքի հաղթողներն են.