Ինչպե՞ս ազատվել համակարգչային կախվածությունից, եթե այն «խժռում» է քո ամբողջ ժամանակը
Մենք «ապրում ենք Ցանցում», իսկ ավելի հստակ՝ համակարգչում: Կայքից կայք ենք անցնում, կարդում ենք նորություններ և անեկդոտներ, խաղում ենք խաղեր, ֆիլմեր ենք դիտում, երաժշտություն ենք լսում:
Ինչպե՞ս ազատվել համակարգչային կախվածությունից, եթե այն «խժռում» է քո ամբողջ ժամանակը:
Իսկ ի՞նչ է նշանակում կախվածություն համակարգչից.
Եթե գիշերային քնի և համակարգչի միջև դուք նախապատվությունը տալիս եք վերջինիս՝ գերադասելով Ինտերնետը կամ նոր խաղը
Եթե ձեր ընկերների մեծ մասն ապրում է «Օդնոկլասսնիկներում», կամ «ՎԿոնտակտե»-ում, իսկ դուք նրանց հիշում եք միայն այդ ժամանակ:
Եթե նստում եք համակարգչի մոտ ընդամենը մի քանի կայք նայելու մտադրությամբ, սակայն այնտեղ անցկացնում եք մի քանի ժամ և հետո զարմանում, թե որքան արագ է անցնում ժամանակը:
Եթե համակարգչի մոտ երկար ժամանակ անցկացնելու պատճառով մի քանի անգամ արդեն կարևոր հանդիպում եք բաց թողել, չեք հասցրել պատրաստվել քննությանը և տանը սնվելու ոչինչ չկա, ապա այս նյութը ձեր համար է:
Այժմ անցնենք գործնական քայլերի:
Քայլ 1
Հանգիստ վիճակում մտածեք, թե համակարգչով կատարած որ քայլից կարող եք հրաժարվել հանուն ձեր օգտի: Համակարգչից մաքրեք խաղաքարտերը, գուշակումները, խաղերը և այն ամենը ինչը «խժռում» է ձեր ժամանակը և փոխարենը ոչինչ չի տալիս:
Քայլ 2
Նույնիսկ ձեզ համար չափազանց կարևոր կայքեր այցելեք չափավոր:
Քայլ 3
Սիրելի մայրիկներ և հայրիկներ, կայքերում ավելորդ ժամանակ վատնելու փոխարեն ուշադրություն դարձրեք ձեր երեխաներին՝ գիրք կարդացեք, միասին զբոսնեք, խաղացեք ձեր երեխայի հետ:
Բավական է կարդալ ճիշտ դաստիրակության մասին, ավելի լավ է զբաղվեք այդ դաստիրակությամբ:
Քայլ 4
Եթե մինչ հիմա համակարգիչը ձեր հիմնական հոբբին էր, ապա այժմ գտեք ձեզ համար օգտակար այլ զբաղմունք՝ գնեք հաստ հետաքրքիր գիրք, կամ գլխարկ ու շարֆ գործեք, ամեն երեկո դեմքին որևէ նոր դիմակ քսեք:
Զբաղվեք նոր գործով և այն անպայման հասցրեք նպատակակետին:
Ոչ ոք չի ասում հրաժարվեք համակարգչից և ինտերնետից: Դա նույնիսկ անհնարին է: Պարզապես կոչ ենք անում ձեր թանկագին ժամանակը , առողջությունն ու գեղեցկությունը, ընտանիքն ու անձնական ձեռքբերումները չզոհաբերել կայքերին:
Միայն չլինի այնպես, որ հետագայում դառնորեն գիտակցես, որ քո ամբողջ հաջողակությունը, որով քեզ ներկայացրել ես կայքերում, սահմանափակվել է միայն վիրտուալ աշխարհով: