«Lady Furshet»-ի անակնկալը` 2016թ.-ին ամուսնանալ պատրաստվող 100 զույգին (լուսանկարներ)

«Lady Furshet» ընկերությունը հերթական անգամ համախմբել էր երիտասարդ զույգերի, ովքեր պատրաստվում են ամուսնանալ 2016թ.-ին: Նախապես հայտարարված մրցույթի ամփոփումը համատեղվեց «Lady Furshet»-ի ծննդյան 4-ամյակի հետ, որն էլ կրկնապատկեց տոնական տրամադրությունը:

«Lady Furshet»-ի հիմնադիր տնօրեն Արմեն Խլղաթյանի խոսքով՝ մրցույթի ամփոփումն ու ծննդյան առիթն ավելի շուտ էր նախատեսված, սակայն ապրիլյան պատերազմը պատճառ դարձավ, որ այն հետաձգվի: Ի պատիվ սահմանը հսկող մեր հերոսների՝ տոնական երեկոյի մեկնարկը տրվեց ռազմահայրենասիրական երգով:

Միջոցառումներ կազմակերպող այս ընկերությունը մշտապես փորձում է օգատակար լինել և նորովի ներկայանալ այն երիտասարդներին, ովքեր կատարել են իրենց կյանքի ամենակարևոր որոշումներից մեկը՝ ամուսնությունը:

Ի տարբերություն 2015 թվականի` այս տարվա զույգերի թիվը հասնում էր 100-ի, և նրանցից ոչ ոք դատարկաձեռն չհեռացավ տոնական երեկոյից: Նրանցից յուրաքանչյուրը հնարավորություն ունեցավ ստանալու 500.000 դրամ արժողությամբ նվեր քարտ, իսկ վիճակահանության արդյունքում՝ հարսանեկան ամնատարբեր ծառայությունները (հարսի մեքենա, զգեստ, վարսահարդարում, դիմահարդարում ֆոտո, վիդեո, ֆուրշեթ, հարսի պար, DJ և այլն) նվերներ մատուցեցին՝ զգալի թեթևացնելով նրանց հարսանեկան ծախսերը:

Մասնակից զույգերից ոմանք առանց իրենց երկրորդ կեսի էին ներկայացել, նրանցից ոմանք արտերկրում էին, ոմանք ինչ-ինչ պատճառով ներկա չէին, ոմանք էլ՝ հենց այդ պահին հսկում էին սահմանը, ում շնորհիվ հանդիսությունների սրահում ապահով կերպով տեղի էր ունենում տոնական միջոցառումը:

Միջոցառման գլխավոր մրցանակը մեկն էր 2.5 մլն դրամ, որի հաղթողը նույնպես որոշվեց վիճակահանությամբ: Գլխավոր մրցանակին արժանացած զույգից միայն Անահիտն էր ներկա միջոցառմանը:

Operativ.am-ի թղթակցի հետ զրույցում օրվա հերոսը՝ Անահիտը, հայտնեց, որ փեսացուն Գերմանիայում է գտնվում, իսկ թե ինչու՝ չցանկացավ մանրամասնել: Ողջ երեկոյի ընթացքում տոնական տրամադրությունն ապահովեցին Թինա Քեյը, Ջուսը, Անահիտ Շահբազյանը, Մարիաննան, Ավո Ադամյանը: Տեղի ունեցավ նաև հարսի զգեստների ցուցադրություն՝ հարսնաքույրերի և խաչեղբայրների ուղեկցությամբ:

Operativ.am-ը շնորհավորում է մրցույթին մասնակցած 100 զույգին և մաղթում երջանկություն: