«Ինձ դուր է գալիս իմ հղիության մասին պատմությունը, այո, ես թաքցնում եմ հղիությունս բոլորից» Ռոբերտ Պատինսոն

Այսօր հոլիվուդյան հայտնի դերասան Ռոբերտ Պատինսոնը նշում է իր ծննդյան 27-րդ տարին: Նրա ծննդյան պատվին էլ ռուսական ժամանցային կայքերից մեկն առանձնացրել է «Էդվարդ Կալլենի» ամենահիշվող, ամենահեգնական ու ազդեցիկ մեջբերումները:

Խենթ երկրպագուների մասին

Մի անգամ մի կին մեկնեց ինձ իր երեխային ու ասաց. «Չէի՞ք կարող նրա գլուխը կծել»:

Աղջիկների շրջանում նրա հասած հաջողությունների մասին

Երկրպագուհիներիցս մեկը մի անգամ հարցրեց. «Ես ի՞նչ պետք է անեմ, որ Դուք ինձ վրա ուշադրություն դարձնեք»: Դե, ես պատասխանեցի. «Հմ, պարզապես հանեք Ձեր հագուստը»: Նա կանգ առավ ու հուսահատ սկսեց մերկանալ, և թիկնազորը ստիպված եղավ նրան սենյակից դուրս հանելու:

Հասունանալու էտապների մասին

Դպրոցական տարիներին ես միայնակ էի: Իմ առաջին համբույրը 12 տարեկանում էր, իսկ աղջիկների հետ սկսել եմ հանդիպել 18 տարեկանում:

Էդվարդ Կալլենի մասին

Բոլորին միշտ դուր է գալիս Էդվարդ Կալլենի տիպի տղաները, որոնք տարբեր պատճառներով կանանց խենթացնում են: Եթե Էդվարդը կեղծ կերպար չլիներ, և եթե դուք նրան հանդիպեիք, ապա նա կլիներ սերիական մարդասպան  կամ էլ նման մի բան: Ամեն դեպքում նա 108-ամյա կույս է, այնպես որ նա այնքան էլ  քիչ հոգեբանական խնդիրներ չունի:

Իր մասին ամենասիրելի շշուկը

Ինձ դուր է գալիս իմ հղիության մասին պատմությունը: Այդ մասին գրեցին ավստրալիական հրատարակություններից մեկում՝ հենց առաջին սյունակում: Ես մտածեցի. «Այ քեզ բան, զիլ տեսարան է»: Եվ դրա մեջ ընդհանրապես հեգնանք չկար: Ես կարդացի այդ հոդվածը (փորձում եմ արդարացնել այդ բառը), ավելի շուտ այդ վերնագիրն ու ասացի. «Այո, ես այդպիսին եմ, հաստատ, ես թաքցնում եմ հղիությունս բոլորից»:

Իր երազանքների ու սովորությունների մասին

Իմ երազանքների մասնագիտությունը՝ դաշնակահար: Իսկ ամենավատ սովորությունս… շատ եմ խոսում:

Դենիել Ռեդկլիֆֆի մասին

Չեմ կարծում, որ Դենը կկարողանա ինձնից խլել ինչ-որ մեկին: Եթե ես աղջիկ լինեի, ապա հեշտությամբ նրան կգրավեի:

Ինքնորոշման մասին

Մինչ իմ՝ 12 տարին լրանալը, իմ քույրերն ինձ հագցնում էին աղջկա պես և ներկայացնում էին որպես Կլաուդիա: 12 տարեկանս ինձ համար շրջադարձային եղավ: Այդ տարիքում ես սկսեցի այցելել խառը դպրոց, որտեղ հաճախում էին և' աղջիկներ, և' տղաներ:

Կուռքի մասին

Ինձ ոգեշնչում է Ջեկ Նիկոլսոնը: Ես սիրում եմ նրա ամեն մի մասնիկը: Կար ժամանակ, երբ ես փորձում էի նմանվել նրան ամեն ինչով, ինքս էլ չգիտեմ, թե ինչու:

Կրիստեն Սյուարտի մասին

Ես կդիտեի "Сумерки"-ն, եթե նույնիսկ այնտեղ չխաղայի: Ես Կրիստենի մեծ երկրպագուն եմ: Մեր սերնդի դերասանուհիներից բոլորը չեն, որ կարող են տաղանդով մրցակցել նրա հետ: Նա հասկանում է՝ ինչ եմ ես զգում: Կրիստենն ամբիցիոզ է և ուզում է կատարելագործվել որպես դերասանուհի. այդ մասին նա ինձ հաճախ է ահազանգում: Ի դեպ, Կրիստենը նաև լավ նվագում է փողային գործիքների վրա: Այդ մասին քչերը գիտեն: