Այսօր Հաղթանակի օրն է. շնորհավոր մայիսի 9
1941թ. սկսվել է Հայրենական մեծ պատերազմը: Այսօր Հաղթանակի օրն է՝ Ֆաշիստական Գերմանիայի դեմ տարած հաղթանակի օրը: 1945թ. բեռլինյան գործողությունում, որով ավարտվել է Երկրորդ համաշխարհային պատերազմը, ներգրավված են եղել ավելի քան 2,5 մլն զինվոր ու սպա, 6250 տանկ և ինքնագնաց հրանոթ, 7500 ինքնաթիռ: Կորուստները եղել են հսկայական. պաշտոնական տվյալներով՝ մեկ օրում Կարմիր բանակը կորցրել է ավելի քան 15 հազար զինվոր ու սպա:
Հայրենական մեծ պատերազմում ֆաշիստական Գերմանիայի նկատմամբ Խորհրդային Միության հաղթանակի օրը կարևոր տոն է Ռուսաստանում և ԱՊՀ երկրներում:
Այսօր ծաղիկներ և ծաղկեպսակներ են դրվում Հայրենական մեծ պատերազմի հերոսների հուշարձանների մոտ, կազմակերպվում են զորահանդեսներ, պատերազմի վետերաններին պատվելու տարբեր միջոցառումներ և տոնական համերգներ:
Մայիսի 8-ի լույս 9-ի գիշերն ստորագրվեց Գերմանիայի անվերապահ կապիտուլյացիայի ակտը: Ավարտվեց պատերազմը Եվրոպայում: Ավարտվեց նաև Հայրենական մեծ պատերազմը: Խորհրդային կառավարության որոշմամբ մայիսի 9-ը երկրում հայտարարվեց տոն՝ Մեծ հաղթանակի օր:
Մայիսի 9-ին նշվում է Հաղթանակի օրը: Երկրորդ համաշխարհային պատերազմը (1939թ.-ի սեպտեմբերի 1 - 1945թ.-ի սեպտեմբերի 2) իր չափերով ու պատճառած վնասներով աննախադեպ էր մարդկության պատմության մեջ: